"Nakakainis talaga ang babaeng iyon!" inis na bulyaw ni Ezra nang puntahan niya ang isa niyang kababata.
"Oh ano ang plano mo?" sabi naman ni KC.
Hindi ganoon kalayo ang bahay ni KC sa bahay ni Aaron kaya naman doon na tumatambay si Ezra para matanaw si Aaron.
"Guguluhin ko ang babaeng iyon syempre. Ano siya? Sinusuwerte? Sayang ang pagpunta ko dito kung hindi ko naman pala masosolo si Aaron! Eh alam mo naman na siya ang dahilan kung bakit sumama ako kay mommy dito, 'di ba?"
Ngumisi si KC. "Sa tingin ko mahihirapan ka sa gagawin mong iyon. Balita ko kasi matapang iyong Erika."
Tumaas ang kilay ni Ezra. "Wala akong pakialam sa kaniya kung matapang man siya. Maldita ako at lahat ng gusto ko, nasusunod. Kaya sa tingin mo ba, magpapadaig ako sa babaeng iyon? Never!"
Natatawang umiling s
