Bago pa man sumikat ang haring araw ay inihatid na ni Aaron si Erika sa tinutuluyan nitong bahay. Paika- ikang naglakad si Erika dahil sobrang sakit ng hita niya. Kaya naman binuhat na siya ni Aaron patungo sa kaniyang kama at doon siya inilapag.
"S- Salamat..." alanganing sabi ni Erika nang hindi tumitingin kay Aaron.
Bigla siyang nakaramdam ng hiya dahil sa nangyari sa kanilang dalawa. Palagi pa naman niyang sinasabi sa kaniyang sarili na hindi siya agad bibigay sa isang lalaki. Lalo na't hindi naman siya bumigay sa kaniyang nobyo noon. Ngunit sa isang saglit, ibinigay niya ang kaniyang sarili kay Aaron.
"Ikaw lang ba ang nakatira sa silid na ito?" tanong ni Aaron nang ilibot niya ang kaniyang paningin sa munting tirahan ni Erika.
Tila isang kuwarto lang iyon na mayroong kusina at s
