Halos mapuno ang tinutuluyan ni Erika sa dami ng pagkaing binili sa kaniya ni Aaron. Tuwang- tuwa siya sa pagiging generous ng binata na akala mo magkasintahan sila. Naalala tuloy niya ang ex niya na hirap na hirap siyang gastusan. Na madalas siya pa ang gumagastos sa lalaki.
"Siya nga pala, may alam ka bang puwedeng upahan dito? Kahit apartment lang na hindi ganoon kalaki dahil ako lang naman mag- isa ang titira," sambit ni Erika matapos niyang kumain.
Kumunot naman ang noo ni Aaron. "Bakit? Ayaw mo na ba dito?"
Mabagal na tumango si Erika. "Parang ganoon na nga. Hindi ko naman kasi kasundo ang mga pinsan ko. May mga ugali rin kasi tapos ang aarte pa. At isa pa, wala naman akong ibang iniintindi kun'di ang sarili ko."
"Bakit? Wala ka na bang magulang o kapatid?"
"Nag- iisang anak lan
