ارض الخبايا

البارت التاسع و الثلاثون

مريم خلاص ماشي علشان خاطر ميزو بس مش عشان خاطر حد تاني تعالى بقى علشان انا لسه ما سلمتش عليك بقى و جايبه لك هديه هتعجبك قوي قوي قوي و ملوكه هي اللي مختارها لك بنفسها

حسام كمان ملوكه هي اللي اختارها الله يسهل معتز النهارده هتدلع اخر دلع انا واثق في ملوكه القمر دي مسلسل و ربنا البنت عايزه خذها شهر الترسه من رب خليها معي لحد ما اعمل لها فكري كده يا زوزو بنوته قمر كده و انا واثقه انها هتطلع حلوه كده و شبهك عسوله و الله انا نفسي في بنت يا جماعه

معتز ايوه صح يا زينب هو انتم ليه ما فكرتوش تجيبوا بنوته بما انكم عندكم معتز كبير ما شاء الله عليه و كمل السنتين حلو قوي كده هاتو البنوته بقى

زينب يا سلام يا استاذ معتز طب ما تجيب انت اخر ملوكه بما انك شاطر قوي كده ما تقول لنفسك ما انت مليكه خلاص اهي هتكمل سنه و نصف الشهر ده يعني ما فرقتش سنه و نص من شهرين خلاص هاتوا الولد بقى

مريم لا بلاش و النبي يا زوزو تقولي كده لان هو اصلا مش عايز ملوكه تكمل السنه و كان عايز يجيب الولد فبلاش تقولي قدام كده و عمال بيقول لي عايزين يجيب لنا ولد امور زي معتز عايزين نجيب لنا ولد امور زي ما صدقت ما خرجت الموضوع ده من دماغه و خليته يديني بس فرصه لحد ما نكبر ملوكه شويه كان علي ابن عمك فهو عايز ما شاء الله يخليك كل سنه عيل

معتز مره مخلفناش دلوقتي احنا هنخلص امتى يا جماعه بجد و الله انا لو على عن نفسي كنت و خليت ملوكه كملت السنه و كان بقى عندها اخ اصلا في نفس الشمعه مش كامله السبع انا لو على انا عايز مكان مريم هي يلا معترضه ده هو مش موافقه

زينب ما هو الحقي معاها يا معتز حبيبي انت مش بتحمل و لا بترضع و لا بتظهر طول الليل و لا بتتوحم و لا بيطلع عينك تسع شهور علشان تقرر ان انت عايز او مش عايز هي الام اللي لازم تكون مؤهله انها تقوم بالدور ده يعني انا شخصيا حاسه ان انا لحد دلوقتي هو معتز حبيبي ربنا يخليها لك لنا فيه كمل السنتين و لسه حاسه ان انا مش مؤهله ان انا ادخل في عمليه الحمل و الوحم و الولاده و الرضاعه و الحاجات دي من الاول ثاني انا لسه مش حاسه ان انا اقدر اخد التجربه دي فعليا عايزه اقدم معتز وحقه في التربيه زي ما اديته حقه في الرضاعه زي ما اديته حقه في التغذيه زي ما اديته حقه ان انا اعلمهم الكلام و هاعلموا الاكل و اعلمه الشورب في الغلط و انا على الاقل لازم ادي له حقه لو سنه اني انا كمان تيجي فتره الحمل 9 شهور يكون مثلا داخل في اربع سنين هيكون سنه حلو قوي لكن لو اخذت خطوه زي خطوه الحمل دلوقتي هيكون هو لما انا اجيب البيبي الجديد هو لسه مكملتش ثلاث سنين فهو مش هيكون فاهم حاجه و لا لسه اتعلم حاجه كويس صعب صعب و بعدين انت بقى لك اصلا في الموضوع ده انت غلس قوي ان كان حسام نفسه موافق

حسام اكيد طبعا موافق يا روحي علشان انا عارف ان انت اكيد ليكي وجهه نظر و وجهه نظرك صح تماما بما انك انت الامور انت اللي هتحملي انت اللي هتتعبي لازم انت اللي تاخذي القرار ده و لازم يكون حاجه انت مستعده لها كويس ما ينفعش نجيب بيبي و نظلمه معنا ان انت ما تقدريش منك تمام انا معاكي و ماما معاكي و بنساعدك في كل حاجه و مش بنسيبك لكن طالما انت لسه مش مستعده و مش مؤهله نفسيا ان انت تخوضي في مرحله زي دي يبقى ليه احنا لسه صغيرين و العمر طويل نستنى سنه اثنين يكون معتز كبر شويه و تعلم كل الحاجات و تاسس زي ما احنا عايزينه بعدين نجيب البيبي الثانيه كذا كذا اربع سنين او خمسه

مريم و ده رايي بالضبط يا جماعه هو ده اللي انا بحاول اقنع معتز به لكن معتز بالنسبه له عايز يجيب خمس عيال اقول له ملك بالخمسه يقول لي العيال عزوه يا ابني عزوه ايه عزوه ايه اللي هنجيبها طيب مثلا البيت بتاعنا هيكفي انه يكون في عيله مكونه من سبعه افراد يقول لي لا احنا هنجيب بيت ثاني لا احنا هنغير البيت لما يبقى عندنا خمسه نبقى نغير البيت لما يبقى عندنا خمسه مش مستوعب ان الدنيا بقت غاليه جدا جدا و ان احنا اصلا لو جابنا اكثر من عيلين مش هنقدر نربيهم ان كان مليكه الصغيره دي بتاخد مصاريف اكثر مني انا شخصيا كل شهر بامبرز و لبن و دكاتره و هدوم و علاج امال لما يكون معنا خمسه من ماليكا هنعمل ايه هنصرف عليهم منين هنا كلهم و نشربهم و نربيهم منين برده ما فيش فائده يقعد يقول لي احنا الحمد لله مستوره معنا الحمد لله الفلوس موجوده الحمد لله مش عارف ايه و كانه نجيب سويرس

زينب لا لا يا معتز غلط كده هتندم بعدين هتحس ان الحمل بقى ثقيل قوي انت بالنسبه لك اصلا مريم مش بتشتغل فانت لوحدك اللي هتشيل الحمل علشان تكون عامل حسابك انت مش عندك غير شغلك الشغل عمره ما يصرف على خمس اولاد ده اللي انت بتتكلم فيه ده اسمه هبل بجد خمسه اي اثنين حلوين ثلاثه كمان صعب شويه بس حلوين مش وحش يعني لو ربنا رزق بتوام مثلا المره الجايه خلاص قدر الله وما شاء فعل اكيد مش هناخذ واحد و نرجع واحد يعني لكن ان احنا نفضل نخلف نخلف نخلف و احنا مش مؤمنين حياتهم و مش مؤمنين مستقبلهم و مش عارفين هنصرف عليهم منين او هنكفيهم منين هيكون ظلم كبير قوي بص للدنيا دلوقتي شوفي الاطفال اصلا بتحتاج ايه شوف الاحتياجات بتاعتهم انت نفسك هي مراتك بتقول ان بنتك بتصرف اكثر منها شخصيا و انا كمان احب اقول لك انا معتز الصغير ده مصروفه في الشهر قد مصروف البيت و اكثر كمان و احنا لسه بيبي يعني لسه و لا كبير و لا رايح المدرسه و لا الحضانه و انا دخلنا في افلام الدروس و المدارس و الكتب و النادي اشتراك جيم و اشتراك مش عارف ايه و اشتراك مش عارف ايه لسه في البدايه ما يغركش ان انت دلوقتي راجل مهندس و بتقبض مرتب حلو انت لو جبت سبع اولاد صدقني هتشحت علشان تربيهم و لا احنا نجيبهم و نبهدلهم معنا مش لازم نوفر لهم المستوى اللي هم يتمنوا يعيشوا فيه

معتز و الله انا فاهم كويس جدا الكلام اللي انت بتقوليه ده يا زينب مش محتاج ان انت تفهميني او تعرفي هوني انا عارف لوحدي كل حاجه من الحاجات دي بس انا لوحدي دايما مليش اخوات طبعا زي ما انت عارفه وحيد فانا و الله مش عايز يكون ده حال بنتك بعد كم سنه البنت محتاجه اخوات رجاله يسندوها و يكونوا جنبها بيعملوا لها كل حاجه هي نفسها فيها و بعدين الطفل يعني بيجي برزقه عارف ان دي مقوله اعتماديه قوي بس فعلا العيل بيجي برزقه يعني و ربنا اكيد مش هيبعث البيبي ده غير وهو عارف ان احنا هنقدر نربيه كويس و نعمل له كل حاجه كويسه و الا ما كانش هيبعثه اصلا

حسام و نعم بالله كلامك في جزء كبير صح بس مش كله طبعا ان انت تكون خائف على بنتك من الوحده فيما بعد و انها تكون لوحدها خاصه انها بنوته محتاجه فعلا زي ما انت بتقول اخواتي يكونوا معاها و يكونوا سندها بس زي ما في جزء صح في جزء كبير قوي غلط يعني انت دلوقتي عايز تجيب لبنتك سند لو اخت ثانيه او اخ ثاني هيكون سند حلو قوي و مش هتكون لوحدها مش لازم تجيب لها اربع اخوات ثانيين كثير قوي من كل النواحي

مريم اكيد طبعا يا حسام انا اصلا مش هسمع كلامه مهما يقول انا اصلا لو خلفت خمس عيال هيبقى هو و عياله لوحدهم مش هيكون في ام تربيهم بعد كل الحمل و الولاده دي

زينب متدخله في هذه اللحظه بعد الشر عليك يا مريومه يا قلبي ربنا يد*ك طوله العمر و تربي اولادك و تفرحي بيهم ان شاء الله و تجوزيهم و تشيلي اولادهم كمان ايه يا بنتي اتفاقم ده و بعدين هو بيقول كده و خلاص يعني اكيد مش هيروح يجيب له خمس ليالي يعني ده حيخليه يشحت لو جاب خمسه

مريم و هيموتوني و الله يا ام زوزو اهو مش متخيل اصلا الحمل لوحده عذاب الولاده لوحدها موت مش متخيل كده

معتز طب خلاص بقى يا جماعه ما تبوظوش عيد ميلادي الواد محسسني ان انا النهارده خلفت الخمسه عشان كده كلكم جايين تعاتبوا علي في الموضوع ده يعني هو لسه اصلا مفيش حاجه حصلت من الكلام ده انا اللي باقوله اللي انا نفسي فيه مش حاجه انا عملتها او حاجه انا نفسها انا بس نفسي يكون عندي خمس اولاد

حسام يا سيدي ربنا يكرمك بعيلين و لا ثلاثه يعملوا عليك الدنيا و تحس ان انت اصلا مش محتاج تخلف اولاد ثاني بعدهم و تربيهم احسن تربيه و تعيشهم احسن مستوى

معتز ربنا يخليك يا حبيبي و انت كمان ربنا يكرمك بكل اللي نفسك فيه و يد*ك كده على معتز و تفرح بيه و اخواته ان شاء الله و تربيهم احسن تربيه

حسام ان شاء الله يا حبيبي ربنا يبارك فيك يلا بينا بقى علشان احنا تاخرنا قوي على الناس اللي مستنيه التورته دي التورته شخصيا تعبت من الانتظار

معتز يلا يلا ما انتم اللي عملت لكم حوار انا كنت هاقول كلمتين و اسكت و انا اصلا مش مقرر ان انا اخد الخطوه دي رسميا او ان انا هعملها لكن انتم خليتوا الموضوع طلع في دماغي اكثر و ما حدش هيشيل الليله دي كلها غيرك يا مريم علشان ما تبقيش تشكي مني ثاني لحد يلا يا قلبي عشان نطفي الشامي و نروح بقى و نشوف حسابنا في البيت مع بعض

زينب متدخله و هي تحمل صغيرها و تتوجه به الى الداخل اوعي يكلمك او يعمل لك اي حاجه وما تقوليليش يا بنت يا مريم اول ما يعمل اي حاجه كده او كده اتصال صغير بيجي لك لو في نصف الليل احنا معاك يا بنت انت صح اصلا و كلامك يمشي على الكل

مريم ضحك ربنا يخليك لي يا زوزو و بعدين اصلا معتز حبيبي عمره ما يعمل حاجه تزعلني او يقول حاجه تزعلني و لا يزعقلي و لا يعمل اي حاجه انا واثقه فيه

حسام هو انا ليه حاسس ان انت بدات تتراجعي لما حسيت ان انت قربتي تروحي يعني لو خايفه خليكي بايته عندنا عادي احنا مش هنطردك

مريم ضاحكه خليني ساكته احسن يا حسام ب الله عليك علشان انا مش قد معتز بعدين هيقلب علي و احنا مش قد خلينا ساكتين

حسام و الله انا كنت عارف ان انت خوافه و جبانه ماشي يا ستي ما تخافيش عموما انا و زوزو في ظهرك يعني في اي لحظه يكلمك يزعق لك مدي يده كده كده اتصلي بيكون عندك فورا نيجي نعلم عليه و نروح و لا يهمك يعني

مريم لا و الله بس المره دي بجد مش موضوع اني انا خايفه قوي و مش هقدر عليه او كده انا ما يهونش علي ان هو يزعل مني اصلا و لا ان حد يزعله او كده ده حبيب قلبي ده

حسام حقك علينا يا ستي خليه يطلع عينك اوعي تكلميني اصلا و لا تشكلنا و لا تقولي لنا اي حاجه و صدقيني لو طلع عينك في البيت و كلمتينا مش هنيجي و لا هننقذك منه خلي يبقى يفرض عضلات عليك لما يروح

مريم لا لا لا ده حبيبي ده نور عيني ده روحي ده ما يقدرش يعمل كده مش ما يقدرش مهونش عليه يعمل كده هو يقدر طبعا بس انا عارفه ان انا مهونش عليه ابدا

زينب يا عم على الثقه ربنا يخليكم لبعض يا رب و يفرح قلبكم يا رب و يخلي لكم ملوكه و تتربى في عزكم و تجيبوا لها اجمل و احلى اخوات قريب جدا يا ستي و ربنا يديم المحبه ما بينكم

مريم و يخليك لينا يا قلبي و يخليك لحسام و يخليه لك و يخليه لكم زيزو القمر ده و يكرمكم اخوات قريب كده ليه

زينب لا لا ما نحن قلنا مش دلوقتي بقى لسه قدامنا سنتين ثلاثه كده

مريم ان شاء الله يا حبيبتي

ليتقدموا جميعهم من الطاوله التي يوضع عليها تورته عيد الميلاد و يبداوا في مراسم عيد الميلاد و يقوم بالغناء لذلك الصغير الذي اتم العام الثاني من عمره اليوم و يقوم بالاحتفال مع بعضهم البعض في حضور الاصدقاء و الاقارب و والديني كل منهم ليقضون حفل جميلا رائع بصحبتهم حتى انتهى ذلك الحفل الصغير المتواضع الذي اقامته زينب في المنزل الخاص بها و بزوجها و نجلهم حتى انتهى ذلك الحفل الرائع و عاد كل منهم الى منزله لتبقى زينب و حسام و معتز الصغير فقط

زينب التى تحميل صغيرها و تقوم بتحريكه بحنانك يغرق في ثبات عميق الحمد لله يا حسام ربنا خلصنا من الحمل اللي كان فوق كتفنا اخيرا

حسام الحمد لله يا روحي ربنا قدرنا و خلصنا منه و بقيت الفرحه فرحتين