"Oh, bakit ka nandito? Naayos mo na ba ang kalat mo?" wika ni Amber.
Nangingilid ang luha ni Shannon. "Wala kasi akong makausap," tugon niya.
Umikot ang mata ni Amber kasabay ng isang buntong hininga. "Hay, ano pa nga ba ang magagawa ko?" Binuksan niya ang pinto at pinapasok ang kaibigan. "Palibhasa kasi, alam mong hindi kita matitiis," aniya pa. "Ano, iinom ba tayo?"
Umiling si Shannon. "Gusto ko lang talaga ng kausap."
"Okay."
Magkatabi silang umupo sa salas. "Aalis si Niccolo sa susunod na linggo. Magpa-file na siya ng divorce. Ano ang gagawin ko, Amber?"
Napabuntong hininga muli si Amber. Saan ba siya magsisimula?
"Shannon, sagutin mo ang mga tanong ko, okay? Iyong mga isasagot mo, iyon ang makapagsasabi kung ano ang gagawin mo," sa wakas ay wika niya.
Tumango si Shannon.
"Mas
