Nakita ni Niccolo na isinakay ni Calvin ang kanyang mag-ina Dear sa kotse nito. Binilisan niya ang pagmamaneho.
Wala pang ilang minutong nagmamaneho si Calvin ay napansin na niya ang sumusunod na kotse ni Niccolo.
"Tawagan mo si Niccolo," utos niya kay Shannon. "Sabihin mong huwag na tayong sundan kundi malilintikan kayo sa akin."
Walang nagawa si Shannon. Tinanggap niya ang cellphone at tinawagan si Niccolo. Kaagad namang sinagot iyon ni Niccolo.
"Niccolo, huwag mo kaming sundan," umiiyak na wika ni Shannon. Nanginginig ang kanyang boses sa takot. "Baka saktan niya si Gavin. Please, Niccolo!"
Tiim ang bagang na pinahinto ni Niccolo ang kanyang sasakyan sa takot na baka kung ano ang gawin ni Calvin kay Shannon at kay Gavin.
"CALVIN BLANCAFLOR? Bakit naman dudukutin ni Calvin si Shann
