"Ano ang mga ito?" kunot ang noong wika ni Niccolo kay Callie. Nakita niya ang ilang piraso ng mga bagahe nito sa salas ng bahay. Tinawagan siya ni Callie at sinabing magkita sila at puntahan ito sa bahay nito, at ito ang tumunghay sa kanya- mga bagahe.
"Aalis ka?" aniya pa. Hirap na hirap siyang bigkasin iyon dahil alam niyang mahihirapan din siyang tanggapin ang itutugon ni Callie.
"Kami ni Mama," tugon ni Callie.
Pakiramdam ni Niccolo ay binagsakan siya ng langit sa narinig.
"Aalis kami ni Mama," dugtong pa ni Callie. "Nakipagkita lang ako sa iyo para magpaalam."
"Magpaalam?" Umiling si Niccolo. "Ano ito, Callie? Bakit may ganito? Bakit ka aalis?"
Napayuko si Callie. "Niccolo, I have to do this. Pinag-isipan ko ito nang maigi. I ended up deciding to leave. Ito ang magandang gawin
