Christine's POV
"Wow ang ganda naman dito Nay ang laki ng mga building." Bilib na bilib na sabi ni Leona habang nakatingin sa bintana ng sasakyan.
Kasalukuyan kaming nasa daan papunta sa bahay ni Leon.
Ngumiti lang ako sa kay Leona at tumingin din sa bintana.
"Malapit na ba tayo Tay?" Tanong ni Leona.
"Oo Anak, malapit na tayo sa bahay natin." Sagot naman ni Leonardo.
Hindi inaalis ni Leona ang tingin sa bintana ng sasakyan, tuwang tuwa siyang pagmasdan ang buong kapaligiran.
Mabilis kaming nakarating sa bahay ni Leon, ganun parin malaki at napakaganda, walang pinagbago pati ang mga display.
"Ito ang titirahan natin?" Namamanghang tanong ni Leona, masayang tumango naman si Leon sa kanya. "Wow ang laki laki naman ng bahay natin Tay, baka hindi tayo magkita niyan."
Tumawa naman si
