EXCITED na si Mikaela Tricia na maka-meeting ang pinsan ni Melody na pumayag daw na magpahiram sa kaniya ng malaking halaga. Wow, ah! Gano’n lang iyon? Napakadali namang pumayag pero hindi na niya kailangang isipin pa iyon. Ang mahalaga ay masusulusyonan na niya ang problema nang hindi ikinakasal sa lalaking iyon.
Mabilis niyang ipinarada ang motorsiklo sa labas ng isang Japanese Restaurant. Tinanggal muna niya ang suot na helmet bago bumaba. Nakangiti siyang pumasok sa loob dahil sa wakas ay matatapos na ang kamiserablehan niya. Inilibot niya ang paningin sa kabuuan ng restawran para hanapin ang pinaka-dulong parte. Iyon ang sabi sa kaniya ni Melody, nasa pinaka-dulong parte raw naka-puwesto ang pinsan nito. Nang makita iyon ay agad siyang naglakad patungo roon.
Nakita niya ang isang
