KINABUKASAN ay maagang pumasok si Mikaela Tricia sa opisina. Pagkapasok na pagkapasok niya sa police station ay kaagad siyang sinalubong ng mga kapwa pulis at kaibigang si Sunshine.
“Hay, salamat! Nakabalik na rin sa trabaho ang suwail at matigas ang ulong kaibigan ko.” Nakapameywang at nakataas ang kilay na bungad nito.
Nameywang din siya. “Grabe! Suwail talaga? Ang hard mo sa ‘kin, ah.” Pagkatapos ay isinigaw ang pangalan nito, “Sunshinnneee!”
Napatingin sa kanila lahat ng mga pulis na nandoon pero wala siyang pakialam at ipinagpatuloy lang ang pagsigaw. Kaagad namang tinakpan ni Sunshine ang bunganga niyang sumisigaw nang malakas.
“Hoy, Isyang! Ang bunganga mo talaga kahit kailan. Nakalunok ka talaga ng microphone at speaker!” singhal nito sa kaniya.
Isyang ang tawag nito at ni
