TANGHALI NA NANG magising si Samantha kinabukasan dahil nahirapan na siyang matulog, iniisip niya kung sino ang kausap ng kanyang Tatay Abel at parang problemado ang boses nito.
Paglabas niya ng kanyang silid ay naabutan niyang nag-aayos ng pagkain ang kanyang ama at si Pierre naman ay abala sa pagluluto.
“Anong meron at kayo ang naghahanda ng pagkain?” medyo malat pa ang kanyang boses na halatang kagigising lang.
Lumingon naman sa kanya si Pierre. “Tulog pa kasi ang prinsesa namin na taga luto ng pagkain, kaya kami na lang ang kumilos para sa kanya” nang-aasar na sagot nito.
Nginisian niya ito na pang-asar din. “Sorry na, ako na magtutuloy diyan”
“No, no, no!” pigil sa kanya ni Pierre. “Alam mo maghilamos at magmumog ka na lang dun, sinisira mo ang diskarte namin ni Tatay Abel” ma
