PAGDATING SA CLINIC ay agad inasikaso si Angela dahil medyo maraming dugo ang lumabas dito. At kasalukuyan na itong nasa isang private room dahil kailangan muna nitong manatili sa ospital para ma-obserbahan.
“Daddy, ano po bang nangyari bago siya dinugo?” tanong ng doktor.
Minsan gusto niyang kausapin ang doktor na huwag siyang tawaging Daddy pero totoo din naman na siya ang ama ng pinagbubuntis ni Angela kaya hinayaan na lang niya ito.
“Actually, hindi din namin alam Doc kasi nag-aalmusal na kami when we heard her scream”
“Wala ka bang napansin sa kanya kagabi?”
Hindi niya alam kung ano ang isasagot niya dahil hindi naman niya nakita si Angela ng buong gabi. “Nothing Doc” umiiling na sagot niya.
Pinagmasdan ng doktor ang natutulog na si Angela at napabuntong hininga. “Tatapatin
