Walang kibo na bumaba si Emm sa kanilang kotse. Umiimik lang siya kapag may tinatanong ang kanyang mommy Jessa at daddy Hill.
Malayo kasi ang tinatakbo ng kanyang isipan. Ilang araw siyang naconfine sa ospital pero hindi man lang nagpakita sa kanya si Lennie.
"Anak may problema ba?" tanong sa kanya ng mommy niya nang 'di makatiis. Masyado na itong nag-aalala para sa anak.
"Mommy wala po" pagsisinungaling ni Emm.
Hindi niya pwedeng sabihin sa ina ang bumabagabag sa kanya, kahit na gusto niya sana. Marahil ay dahil baka hindi rin naman maniniwala ang kanyang mommy kapag nagkwento siya tungkol kay Lennie. Isa pa ayaw na niya itong madamay pa.
Natitig na lang sa kanya ang kanyang mommy Jessa. Hinawakan siya sa palad saka tumayo "Ipagtitimpla lang kita ng juice" anito sabay alis.
Sinundan
