"Halina kayo!" si Jullie na humahangos galing sa malaking bahay. Pagkatapos nilang mag-usap sa kinainang kainan ay dito agad sila nagtungo. Napagpasiyahan ni Emm na tulungan si Jullie sa kabila nang ginawa nitong pagtratraydor sa kanya. Nakakaawa naman kasi ang kaibigan niya dahil hindi daw ito nakakatulog dahil sa pagmumulto ni Lennie dito.
"Wala ang mommy Kathy mo?" paniniguro ni Emm. Naalala niya kasi ang ginawa nito kay Lennie na inaakala niyang siya. Tila ayaw nitong pumupunta siya dito sa bahay na ito.
"Oo nasa ospital sila, pinacheck-up daw si daddy Jam sabi ni Aling Nena" tugon ni Jullie na palingon-lingon sa bahay.
"Tara na!" si Vash na inalalayan si Emm na bumaba ng kotse.
Balak nilang kausapin si Lennie sa pamamagitan ni Emm. Pakikiusapan nilang tantanan na nito si Jullie da
