"Emm..." umiiyak si Lennie, hindi na nito inalis ang tingin sa dalagang iniisip na tanging kakampi niya sa mga sandaling iyon. Hirap na hirap na siya! Hindi naman niya gusto ang pananakit kina Kathy at Jam pero kasi hindi niya makontrol ang matinding galit!
"Lennie 'wag! H'wag mong hayaang maging masamang kaluluwa ka! Pigilan mo ang damdamin mo!" nakikiusap ang tinig ni Emm.
"Lennie...!" mahinang naibigkas ni Mang Jam.
"Bakit ka pa nagbalik?! Patay ka na! Pinatay na kita!" ngunit inunahan itong sigaw ni Aling Kathy.
"Pinatay mo ang asawa ko?!" gulat na sambit ni Mang Jam, bumakas agad ang sobrang galit sa mukha nito.
Natigilan si Aling Kathy. Nadulas na pala siya na hindi niya namamalayan.
Lumakas ulit ang hangin. Sa pagbabalik tingin nila kay Lennie ay wala na ito sa kinatatayuan.
