"Hindi totoo 'yan!" sigaw ni Emm kay Aling Kathy.
"Totoo! 'Yung mommy mo ang pumatay sa kanya! Si Jessa!" balik sigaw ni Aling Kathy.
Nasuntok ni Mang Jam ang pader, napaiyak ito. Ang buong akala nya'y kusang bumigay noon ang katawan ng kanyang asawa kaya namatay ito. Sa semento niya binuhos ang galit para kay Aling Kathy. Hindi niya magawang lapitan si Aling Kathy dahil humaharang sa kanya si Vash.
Lumuluha na binalikan ni Aling Kathy ang nakaraan "Nahuli kami ni Lennei noon.."
~~JULY 1995 (ANG KATOTOHANAN)~~
"Jam, I miss you!"
ang dalagang si Kath, sinugod agad niya ng yakap at halik ang lihim na karelasyon na si Jam pagkabukas niya ng inuupahang bahay.
Pero laking gulat niya nang itulak siya nito ng marahan "Kathy tigilan na natin 'to! Ayoko na! Mahal na mahal ko ang aking asawa!
