"Sige na Mang Lito pautangin mo ako 1milion! Ibabalik ko din agad!" ani Kathy sa isang mayamang matanda.
"Aanhin mo ba ang pera Kathy? At parang anlaki naman ata?"
Kumislap ang mga mata ni Kathy "Pampuhunan ko Mang Lito, babayaran din kita matapos kong gawin lahat ng aking plano" ta's tiwalang sagot niya.
At anong saya niya nang ilabas ng matanda ang cheke nito. Alam naman niyang hindi ito makakatanggi sa kanya dahil hawak din niya ito sa leeg. Isang buka lang niya ng kanyang bibig ay pwede itong mapahamak sa sarili nitong negosyo. Dahil tulad ni Jam ay lalaki din niya ang matandang ito. Pero iba si Jam dahil si Jam, mahal niya talaga! Mahal na mahal! Hindi tulad ng matandang ito na ginagamit lang niya kapag gusto niyang magkapera, tulad ngayon. At kung hindi siya pagbibigyan ay hindi s
