WALA SA sarili si Summer habang nag-aalmusal. Tatlong araw na rin ang lumipas simula nang umalis sila ng resort ng mga kaibigan niya. Pero pakiramdam niya, hindi pa rin bumabalik sa isip at puso niya ang sarili niya.
"I heard from your Tito Teodoro what happened," istriktong sabi ng Daddy niya. "You should apologize to him."
Napapiksi siya. Dahil sabay-sabay nilang hinatid nina Spring at Winter sa bahay ni Tito Teodoro si Autumn, nalaman ng matanda na nagsinungaling siya, at magkakasama silang apat sa resort.
Sigurado siyang alam na rin iyon ni Tita Sophia. Siguradong nasa blacklist na siya ng mga magulang ng mga kaibigan niya.
"Nag-sorry na ko kay Tito Teodoro, Daddy," depensa niya. "Siguro, tama rin ang desisyon ko na bumukod na. At least, hindi muna kami magkikita ni Tito rito sa su
