BUMANGON si Summer na lutang ang isip. Buong magdamag lang siyang nakahiga at nakatitig sa kisame.
Hindi niya maalis sa isipan niya ang malungkot na mukha ni Winter at ang sakit sa mga mata nito nang tanggihan niya ang pag-ibig nito. Alam ng isip niya na iyon ang tamang gawin, pero hindi mapakali ang puso niya. Masakit din naman sa kanya na saktan ang binata.
Hindi naman imposible na mahalin niya si Winter. Pero natatakot siyang hindi niya maibigay ang tamang pag-ibig na nararapat niyang ibigay dito. He had loved her in secret for five years. He deserved something better than what she could give him now. At ang maibibigay niya lang dito ay uncertainty. Now, she felt like a stupid, indecisive heroine in some chick flick.
Bumuntong-hininga siya. “I wasn’t able to sleep last night. Does it
