NAPANSIN ni Summer na sa tuwing may lalapit sa kanyang lalaki para makipagkilala, bigla na lang iiwas ang mga ito sa kanya at mag-iiba ng direksyon, at alam niya kung bakit.
Bumuga siya ng hangin bago pumihit paharap kina Spring at Winter na nahuli niyang tinititigan ng masama ang lahat ng lalaki na nagtatangkang lumapit sa kanya. “Puwede bang tigilan niyo ang paninindak sa mga lalaking gustong makipagkilala sa’kin?”
Iyon ang gabi ng high school reunion nila sa isang events hall ng isang hotel. Nasira ang plano ni Winter na masolo siya nito dahil sumabay sa kanila si Spring. Hindi makakadalo si Autumn dahil sa ama nito, pero pinilit ng dalaga ang nobyo nito na sumama sa kanila ni Winter.
Tumikhim si Spring. “Well, Winter is my best friend. Nasa kanya ang buong suporta ko.”
“Thanks, dud
