NAKAYUKO at nakadikit ang noo ng lalaki sa manibela ng kotse. Ilang oras na ring nakaparada ang saskyang iyon at mukhang walang balak umalis ang may-ari.
"Sir, magandang gabi po. Pasensiya na po pero napansin po namin na may ilang oras na po kayong naka-park dito. Saang bahay po ba kayo dumalaw?" Nakababa ang bintana ng sports car ni Dash ngunit hindi niya napansing nakalapit na pala ang nakaunipormeng security guard na nakabisikleta at nagroronda sa village nila Dara. Mabuti at nakapag-isip kaagad siya ng dahilan bago sumagot. Alam niyang kapag sinabi niyang kina Dara ay tatawag ang gwardiya sa bahay nila para magkumpirma o kaya naman ay ihahatid siya doon.
"Kina Miles Aquino po, manager namin siya ng grupo ko, Manong. May hinihintay lang ako rito. May problema po ba?" Dumir
