Kinagabihan ay nagkalat ang iba't ibang anggulo ng video tungkol sa nangyari sa school.
Kitang kita kung paano ako kinaladkad ni Carmela habang hawak sa buhok, mabuti na lang ay hindi halos nakikita ang mukha ko dahil sa nakaharang kong buhok.
Pero ang sobrang pinagkaguluhan ng lahat ay ang video na hawak ni Jupiter si Carmela sa panga, kitang kita ang galit sa mukha ni Jupiter at ang takot sa mukha ni Carmela. Kitang kita rin ang nangyari pagka-alis ko, marahas na binitawan ni Jupiter si Carmela kaya napaupo ito sa sahig habang umiiyak.
Saka ako sinundan ni Jupiter, napakagat ako sa aking labi at nag iwas ng tingin sa monitor nang naging magulo na ang video bago ito natapos. Hindi pamilyar ang mukha ng nanonood na customer na 'to kaya sa tingin ko ay hindi niya ako nakikilala, hindi ko
