“Nasaan pala si Samael?” tanong ni Emma habang nakasakay na silang tatlo sa kotse na minamaneho ni Egypt. Si Ruby ay sa passengers seat nakaupo at si Emma ay nasa likuran, katabi ang mga damit na ide-deliver nila.
Lumingon si Ruby at sumagot, “May mahalaga siyang gagawin.”
“Naku! Laging ang busy ng jowa mo!”
Nanlaki ang mata ni Ruby dahil sa sinabi nito, lumingon siya kay Egypt na diretso lang ang tingin sa daan. Hindi naman sila magkasintahan ni Samael, baka isipin nito ay kung ano-ano ang sinasabi niya sa mga kaibigan niya.
“Wala akong sinabi na mag-jowa kami,” sabi niya. Bumaling sa kanya saglit si Egypt pero wala itong sinabi, si Emma naman ay humalakhak.
Hindi na siya kumibo. Hindi niya alam kung bakit bigla niyang naisip ang kung ano nga ba ang meron sa kanila ni Samael. May nan
