"PASENSYA na, hindi ko kaagad napansin ang ilaw ng kotse mo. Mag-iingat ka sa pagmamaneho mo, hijo," sabi nito na inalis pa ang sumbrerong suot.
"Saan ho ang punta n'yo?" may ngiti sa mga labi niya nang tanungin ang tiyahin ni Sandra. "Sumabay na ho kayo sa akin." Emma is one of the Francisco's pero kailanman ay hindi siya nagalit dito, o kahit pa sa kahit sinong pamilya ni Sandra. Wala siyang dahilan para makisali sa away ng pamilya nila.
"Hindi na, hijo. Naghihintay ang mga kasama ko," sagot ni Emma. Kahit madilim ay kitang-kita niyang nagniningning ang mga mata nito.
"Sigurado ho kayo?"
"Oo, hijo. Paakyat na kami sa bundok," sabi nito na ilang sandali pa siyang pinagsawaang pagmasdan. Parang pinag-aaralan nitong mabuti ang kanyang mukha. Tinatandaan ang bawat detalye noon. Ilang
