"SA tingin ko gulo na naman ang dala nito, Glen." Napatigil siya sa paglalakad sa driveway ng bahay ng mga Galvez nang gabing iyon. Mapilit si Glen na isama siya sa bahay ng mga ito at doon mag-dinner. Ito ang unang beses na tutuntong siya sa bahay ng mga Galvez, at aminado siyang kinakabahan siya kahit pa nakaagapay sa kanya si Glenard.
"No. My father will understand, Sandy," pagpapalakas nito sa loob niya sabay pisil sa kanyang palad. "Huwag ka ng mag-alala."
"K-kinakabahan ako. At the same time ay natatakot." Wala ang Nanay niya sa bahay nila kaya malaya siyang nakaalis. Nagpunta ito sa dating kaibigan na dumating galing ibansa at mag-o-over night daw sa bahay ng mga ito. Kabilin-bilinan nito na huwag siyang aalis dahil walang tao sa bahay nila pero heto't nandito pa siya sa teritory
