الفصل السادس عشر

2156 Words

اسماء : طب إيه رأيك إن أنا غ*ية مؤمن : أكيد غ*ية، هو فيه واحدة تفضل تعقد عريسها فيها ! اسماء : شوفت؟ أنا معقدة يابني مؤمن بتنهيده : انتي عايزة إيه؟ اسماء : عايزة أعرف حبتني ليه و أنا كلي كلاكيع كلها ضد بعض و إنسانة تايهة في الدنيا مؤمن : عشان أنا لقيتك تايهة فقولت أوصلك لمكانك الصحيح اسماء باستغراب : اللي هو فين؟ مؤمن : قلبي اسماء ببتسامه بلهاء : قلبي أنا والله اللي بتخليه عايز يطلع يحضنك ده، حرفياً القلب بيتنطط مكانه لما يحس بفرحة و راحة و إن فيه شخص واقع في حُب قلبك بكلاكيعه ...حُبي ليك مش من قليل، بس برضو بتحبني كل الحُب ده إزاي و أنا مطلعة عينك ؟! مؤمن برفعه حاجب : الإجابة في السؤال اسماء بعدم فهم : إزاي؟ مومن : عشان انتي عيني اسماء : ومن غير فلسفة؟ مؤمن هز راسه : ومن غير فلسفة ، عشان انتي عيني و روحي ، حد ميحبش روحه حتى لو مغلباه ؟ اسماء : عارف؟ مؤمن : عرفيني اسماء بحب صادق : أنا أكتر واحده سعيدة في العالم لإني قابلتك أنت و لإن ربنا و القدر اختروك أنت ليا مؤمن : طب بحبك بقا اسماء بضحك : وانا كمان بحبك.. عارف عجائب الدنيا التسعة؟ مؤمن رفع حاجبه : هما سبعة علي فكرة ! اسماء بلامباله : إيني واي ، المهم إنك عجيب.. مؤمن باستغراب : عجيب إزاي؟ زي إنك لابس كاب مع إننا بليل و مش شايفة سبب واضح ! زي إنك لابس الشراب فردة شكل و فردة شكل تاني خالص و طول الطريق بتقنعني إنهم شبه بعض بتسيب دايماً رباط الكوتش مفكوك و تقولي إنك مش شايفها حاجة مهمة ! ، زي مثلاً إنك لما تنزل مستعجل من غير ما تسرح شعرك بتحاول تقنعني إنك مسرحه على الموضة ! بتتكلم في أي كلام زي مثلاً لما تقولي الفضاء فيه فضائين فعلاً و هيغزو البلد ! بتتكلم كأن أنت اللي مش من العالم و جاي من الفضاء ، كأنك كائن فضائي بتتكلم عن الغربة مع انك مخرجتش برا حدود بلدك .. أنت غريب فعلاً و أنا حابك بغرابتك دى مؤمن ببتسامه : انتى بكلامك الحلو دا هتطرينى أعبر عن حبى بطريقه تانيه غير الكلام عشان يوصلك مدى فرحتى بكلامك دا اسماء بضحك : اتلم واياك تتهور احسن تتعور مؤمن : مالك قلبتى سرسجيه مره واحده كدا . اسماء : احم انا كدا بكذا لون _ . . . . . . . . . دخلت صدفه وهى مبتسمه والابتسامه من الودن للودن وبتحدف مفتاح الشقه على الكنبه وهى مش واخده بالها من الى قاعده ومكشره وحاطه ايديها على راسها الا لما سمعت صوتها بتزعق : اااه يخربيتك يا صدفه اتعميتى مش شايفانى المفتاح دا ض*بته صعبه اوى شهقت صدقه وفتحت النور وبصت على هند الى قاعده على الكنبه : اى دا ؟ ؛ انتى قاعده فى الضلمه كدا ليه بتحضرى عفاريت هند وهى بتقف قدامها : لا وانتى الصادقه راكبنى عفريت وهطلعه عليكى الوقتى انا يا بت انتى مش قايله هناكل سوا ازاى تخرجى من غير ما تعرفينى هااااا قاعده مع كيس جوافه ولا مش ماليه عينك وبعدين تعالى هنا ازاى ترجعى بعد العشاء ! ؟ انا مش قلت الف مره معندناش بنات ترجع انصاص الليالى اى التسيب والاستهتار دا ؟ ! صدفه وهى عماله تضحك : هش خلاص اى كميه المحاضره دى اهدى كدا وتعالى ادخل اغير هدومى واحكيلى عملتى اى لقيتى مكان تعملى فيه الاستديو بتاعك ولا لسه بدات صدفه تتحرك بهدوء وتدخل اوضتها وهند وراها عماله تتكلم بضيق : لا لسه ملقيتش حاجه الاسعار نار اوى شكلى كدا هاخد كامرتى واشتغل تبع اى شركه وخلاص صدفه ببتسامه تشجيعيه : دى بدايه حلوه على فكره متزعليش هند بتنهيده : ولا زعلانه ولا نيله انا كل الى شايله همه ان في شركه ترضى تقبلنى اصلا صدفه بعد ما لبست بيجامه : اه طبعا في ولو مفيش هقول لليث يساعدنا فى الحوار دا هند : كويس اهو ابقى استنفعت بجوز صاحبتى وطلعت من وراكوا باي مصلحه صدفه رفعه حاجبها : اى طريقه الكلام السرسجيه دى لا يا هند خليكى انثى شويه هند وهى بتحدف فى وشها المخده : هو انا كدا واذا كان عجبك اتلمى كدا وخلى ام اليوم دا يعدى اصل انا عفاريت الدنيا بتتنطت فى وشى صدفه وهى بتتفاده المخده : ليه اى الى حصل هند وهى بتدخل المطبخ وتطلع خياره تاكلها : ولا حاجه حوار تافه المهم قوليلى الورد الحلو دا اى مناسبته صدفه وبتفتكر تفاصيل اليوم : دا ليث جابهولى هند وبتشم البوكيه : بقول لك اى صحيح هو ليث دا معندوش اخ سلف صدف وهى بتضحك : لا واياكى عينك تيجى على ليثى بدل ما اقلب الوش التانى هند : اتنيلى وانتى بسكوته ولا تعرفى تقلب حتى وش لبن بلا و**ه ____________ تانى يوم بتتصل على صدفه وهى واقفه قدام مرايتها وعماله تلعب فى ازايز البرفيوم نطقت بحماس : الووو صدفه الحقي اسمعى خبر جديد نوووووفى صدفه وهى بتفتح عيونها بهدوء وبتبص فى المنبه : اى يا اسماء الساعه لسه سبعه فى اى اسماء ببتسامه : اتصلحت انا ومؤمن صدفه بلامبالاه : ما انا عارفه اى الجديد اسماء برفعه حاجب : ودا ازاى بقااا صدفه ببتسامه : أصل مؤمن كان قايل لليث وانا عرفت من ليث اسماء بضحك : بقا كدا بتعملوا روباطيه علياا وانا اخر من يعلم ضحكت صدفه واتكلمت وهى بتقعد على السرير وبتحاول تفوق أسماء بتنهيده : مؤمن قال انه حدد معاد فرحنا مع بابا ومجهز كل حاجه صدفه ومازالت مبتسمه : عارفه اتغاظت اسماء : لا والله واى كمان عارفاه يا ست صدفه صدفه بضحك : أصل مؤمن وليث بقوا اصحاب اوى وحكاله على كل حاجه دا حتى تحضيرات الشقه كان ليث مع مؤمن عشان العمال تنجز فيه أسماء بحب : بحبه أوى يا صدفه كنت هتجنن وانا شايفاه بيضحك لواحده غيرى وهى متبته فى دراعه كدا خايفه ليطير منها صدفه : انتى هتقوليلى على غيرتك عارفاها ياختى المهم مؤمن طيب وبيحبك وبيدور على رضاكى بطلى بقا مكابره وامشى ورا رضاه هو كمان وابدا فى تجهيز نفسك مقدامكيش غير اسبوع بس وانا هروح المدرسه اقدم على اجازه اسبوعين كدا عشان افضالك واجيلك على طول قدامنا حاجات كتير لازم تجهز أسماء ببتسامه : فل اوى ربنا يحفظك ليا يا احلا صاحبه قفلوا الاتصال على دخول هند أوضه صدفه هند برفعه حاجب : بتكلمى مين على الصبح كدا شهقت صدفه بخضه : بسم الله حد يدخل على حد فحاه كدا ؟ هند وهى بترفع حاجبها : اه فى أنا صدفه : وعايزه اى يا ست هند يا مزعجه هند ببتسامه : بصراحه كدا جعانه وطالبه معايا كريب أى رايك نطلع ناكل كريب صدفه بعقدة حاجب : كريب!؟ هند الساعه سبعه الصبح لسه يا ماما كريب أى الى الواحد ياكله سبعه الصبح دا روحى نامى واتغطى كويس يا حبيبتى يلا هند وهى خارجه وبتقفل الباب بتاع الاوضه بعصبيه : و فيها اى يعنى لما افطر كريب دا حتى يفوقنى اما انتى عيله غتته صحيح ضحكت صدفه على صاحبتها وهى شايفاها بتقفل باب الاوضه بعصبيه : ربنا يهد*كى يا هند بدل ما برج طاير من عقلك كدا مطلعاه عليا اما اقوم اروح اطلب اجازه عشان البت اسماء لتفضحنى . . . . ( من حقنا نحب و نختار شريك حياة الحياة معاه سهلة ، هادية ، و مفيهاش خوف من بكرا ، حياة الضحك فيها أكتر من الزعل، حياة بنتقاسم فيها مع بعض الضحك و العياط و الحُضن ، شيء جميل لما تلاقى لما تلاقى حد بيحبك وبيخاف على مشاعرك وبيدور على رضاك وميحبش يزعلك لما تحس ان فى حد معتبرك انجاز بنسبه ليه . . . دايماً فيه كلام بيحسسنا إننا اختارنا صح ، كلام عمرنا ما سمعناه من حد تاني ، كلام بيكون فعل قبل ما يكون كلام ، الجايزة الحقيقية إنك تختاري شخص تكوني بالنسباله الجايزه اللي حارب كتير عشانها، عشان حَبها و عشان يفضل يحبها ). _____ بعد كام ساعه خرجت صدفه من التا**ى وهى واقفه قدام بيت ليث ماسكه معاها عصير للبنات ومبتسمه وهى مقرره انها هتفاجأهم بصت فى ساعتها ولقت الساعه 11 بدات تمشى باتجاه البيت وبترن الحرس واتفتح بعد ثوانى ابتسمت فى وش الداده ودخلت البيت وهى بتدور على البنات بعد ما عرفت انهم غابوا النهارده من المدرسه وقررت تيجى تشوفهم وتطمن عليهم طلعت اوضت رقيه وخبطت ودخلت بعد ما سمعت صوتهم بيلعلوا وهما اول ما شافوها جريوا عليها يحضنوها... صدفه وهى بتضحك وبتحط العصير على التسريحه وتحضنهم : عاملين أى الاميرات الصغننين رحمه ببتسامه : كويسين يا ميس رقيه وهى بتفتح بؤقها : شوفى يا ميس سنتى وقعت رحمه بحماس : النهارده صحت من النوم وكانت وجعاها جدا وداد خلعتهالها لما لقيتها بتتحرك رقيه مكمل كلام اختها بنفس نبرة الحماس : شوفى انا حطيتها تحت المخده عشان الجنيه لما تشوفها تحطيلى مكانها هديه ضحكه صدفه : مين قالك تعملى كدا يا روكا رقيه ببتسامه : داده قالت لى كدا وقالت ان دا حدث مهم اول سنه تقع من سنانى ولازم يبقى يوم ميتنسيش ففكرت انا ورما نخلى بابا يعمل حفله ونعزم كل صاحبتنا يا ميس اى رايك صدفه ببتسامه : فكره حلوه جدا بس الوقتى كل واحده تشوف مذاكرتها ونسيب اللعب دا شويه بسرعه يلا يا قمرات هزوا البنات راسها وكل واحده اتحركت على مكتبها الصغير وبداوا يفتحوا الكتب ابتسمت صدفه عليهم وجابت سله اللعب وبدات تلم اللعب وحطت لكل واحده العصير الى جابتهولهم ومسكت فونها تقلب فيه منتظره معاد رجوع ليث البيت وهو كان قايل لها هيرجع على واحده ...بعد نص رفعت راسها على دخوله وصوت خطواته وهى بيتحرك بخطوات واثقه ورزينه ولابس بدلة الشغل وماسك الكاب فى ايدو وبيحرك شعره بايده بعشوائيه ويغمز لها ببتسامه سحرتها وقرب من رحمه وهو بيحرك ايده على راسها بحنيه : الاميره الصغيره بتاعتى بتعمل اية رفعت رحمه راسها وببتسامه : بعمل ال home work بتاعي ي بابا رفع ليث حاجبه : هوم ورك ! يسلام الله يرحم أبوكى على أيامي كان أسمه واجب .. و بتحلى واجب أنهي مادة بقا رحمه برقه : ال math ي بابا ليث بتذمر : وبعدين بقا فى قناة mbc2 الي اتفتحت دي صحيح يا روما ماقولتليش نفسك تطلعى اية لما تكبرى بصت رحمه لصدفه ببراءه و سابت القلم و بصت قدامها و سكتت شوية كأنها بتفكر وبعدين بصت لباباها : مش عارفه ابتسم ليث : ازاي مش عارفه يا حبيبتى كل واحد فينا لازم يعرف هو نفسه يطلع اية عشان يبدأ يجتهد و يحقق حلمه ليث : طب سيبك من حوار يجتهد ويتفوق والكلام الكبير دا قوليلى أنتى بتحبى أنهي مدرسه عندك ف المدرسة ؟ رحمه وهى بتبص لصدفه ابتسمت : بحب ميس ساره أوي ليث وهو بيغمز لها : حلوة ميس ساره دى ؟ ربعت صدفه ايديها ورفت حاجبها وهى كانت متابعه الحوار من الاول : ليث !!! ضحك ليث وهو بيحك أخر شعره : احم بهزر يا روحى المهم بتدرسلك انهي مادة بقا ميس ساره رحمه وهى بتحرك القلم الى فأيديها : الأنجلش .. أصل انا بحب العربي و الأنجلش و الفرينش أوي ي بابا بس ميس ساره أكتر واحدة بحبها فيهم ليث ببتسامه فخر : الاميره الصغيره طلع عنده ميول للغات .. يعني نقدر نقول إنك عايزه تطلع مترجمه ؟! سالت رحمه : يعني أية بقا مترجمه دي ! ليث ببتسامه : ممكن تشتغلى سكرتيره ف شركة عالمية تترجمى الفا**ات الي تتبعت للشركة .. او تشتغلى تبع جهة معينة لو جت ناس من برة مصر مثلا من فرنسا او أمريكا انتى تقفى معاهم و تترجميلهم عشان نقدر نتواصل معاهم يعني من غيرك مش هيبقا فيه أتصال بينا و بينا الدول الاجنبية أنتى الي هتساعدينا نفهمهم و تساعديهم يفهمونا رحمه برقه : وااااو . . حلوة اوي انا فعلا ي بابا بحب اللغات و بحب اشوف الكرتون بس و هما بيتكلمو أنجلش عشان أتعلم ازاي أنطق الأنجلش صح و بشغل ع التاب بتاعي دروس أنجلش و فرينش عشان أقدر أتعلمهم صح و أبقا شطوره فيها ليث بفخر وهو بيحصنها : برافو عليكى يا حبيبة بابا أنتى كدا ماشيه صح و عرفتى أنتى بتحبى أية و عايزه تطلعى أية .. و أن شاء الله لما تكبرى هخليكى تاخدى كورسات عشان تبقى شطوره كمان و كمان أنتى عارف إن بابا بيحبك أوي صح ! رحمه ببتسامه واسعه : و أنا كمان بحبك اوى اوى يا بابا رقيه وهى ماسكه رجل البنطلون : وأنا يا بابى مش بتحبنى ولا أى ليث ضحك وشالها من الارض : لا طبعا يا روح بابى بحبك جدااا بحبك أكتر من الدنيا بحالها قوليلى يا صغننه انتى نفسك تطلعى أى رقيه بلماضه : أنا بحب الرسم أوى تفتكر كدا هطلع أى صدفه وهى بتضحك : أتوقع عنده هيبقى فى رسامه ت**ر الدنيا رقيه ببتسامه واسعه : رسامه يعنى جايه من رسم يعنى أكيد هرسم كتير صح ليث وهو بيضحك : ايوا هترسمى كتير وحاجات حلوه وتجنن وانا متاكده من الرسامه الصغننه بتاعتى رقيه بضحك : اتفقنا يا بابى واول حاجه هعملها لما ابقى رسامه هرسمك ليث ببتسامه : اتفقنا يا قلب بابى رقيه وهى بتفتح بوقها : شوف يا بابى سِنتى وقعت ازاى كدا بدات أكبر ليث ببتسامه : الله الصغننه بدات تكبر ما شاء الله رقيه ببتسامه : بابى عايزين نحتفل ونعمل حفله تجنن ونعزم صاحباتى عليها وكمان روما تعزم صحابها ليث برفعه حاجب : حفله! حفله ليه رقيه : عشان سنى وقع ! ليث بعقدة حاجب : اى النظام الجديد دا عايزانى اعمل حفله عشان سنتك وقعت ؟ صدفه وهى بتضحك وبتاخد رقيه وتشيلها : ايوا يا ليث لازم نعمل حفله عشان روكا وروكا يعزموا صحابهم ليث وهو لسه مش مقتنع : م . . . ما . . . .ماشى حفله . . . . حفله حفله مفيش مشكله . . . . .

Free reading for new users

Scan code to download app

App Store Google Play

Facebookexpand_more