الفصل الخامس عشر

1783 Words

بقلمى دنيا صابر صدفه ببتسامه : أنت على طول فى بالى أصلا ليث ببتسامه : أصلا؟ هزت صدفه راسها : اصلا قرب ليث منها وبدا يلبسها السلسله وهو متعمد ان ايده تلمس رقبتها اكتر من مره وهى اتوترت وبعد ما خلص قرب من رقبتها وباسها برقه ولفها ليه وقرب من خدها وباسها ولسه هيقرب من شفايفها وبسرعه صدفه غمضت عينيها قاطع لحظتهم دخول رحمه الاوضه بسرعه فبعدوا عن بعض بتوتر رحمه : انتوا كنتوا بتعملوا أى ؟ ليث اتكلم بعصبيه وهو مدايق ان رحمه قاطعت لحظتهم فزعق لها : رحمه انتى ازاى تدخلى من غير ما تخبطى الباب؟ اتخضت رحمه من زعيق باباها واتكلمت بتاتاه : التليفون .. خالتو سها كا... وبدات تعيط قربت صدفه منها بتوتر وحضنتها : ليه تزعق لها هى صغيره ومش فاهمه حاجه وبدات تكلم رحمه بهدوء : روما حياتى خلاص متعيطيش رحمه ببرائها : بابا زعقلى يا ميس صدفه : معلش يا روحى بابا متعصب شويه ليث زفر بضيق ودخل البلكونه تانى وهو بيولع سيجاره مدايق جوا الاوضه صدفه سالت رحمه : روما كنت جايه عايزه بابا فى أى رحمه : خالتو سها اتصلت على التليفون تحت عايزه تكلم بابا صدفه بنرفزه : روحى قوليلها بابا مشغول رحمه ببرائه : قلت لها بابا فوق فى أوضته زعقت لى وقالت اناديه يكلمها صدفه بغيره : روحى قوليلها بابا نايم رحمه : يعنى أكذب!؟ صدفه : لا يا حبيبتى لان بابا هينام الوقتى هزت رحمه راسها وخرجت وقربت صدفه من سرير ليث واخدت فونه وهى مدايقه ومقهوره ودخلت البلكونه وهى بتوريه الشاشه الى منوره باسم سها : ليث فونك بيرن ليث اخد الفون وبص فيه ومردش صدفه وهى عاقده ايديها مربعاها : ليه مسجل رقمها؟ ليث ببرود : خالة البنات طبيعى هسجل رقمها لانها هتبقى عايزه تطمن على البنات صدفه بغيره وضيق : تطمن عليهم ولا عليك أنت؟ ليث بملل : صدفه قلت لك قبل كدا انا .... صدفه قاطعته : انا مروحه ليث وبدا يحس بصداع وعينه وجعاها حاول يوقفها : صدفه استنى نتكلم.... ولكن صدفه مشت بدون ما تلتفت وراها وليث مسك راسها وهو مغمض عينه جامد . ______ عند سها قاعده فى مكانها بتغلى وبتتكلم مع نفسها بتملك : انا اه مكنش ليث دا فى دماغى بس بعد ما شوفت الى اسمها صدفه دى وانا مش مرتحالها ولازم ليث ميروحش من ايدى لا يمكن اخليه يروح للبت دى ابدا ليث وبنات اختى ملكى انا طول عمره عيلته واحنا رقم واحد مش هسمحلها تاخده مننا ______ صدفه قاعده بتحكى لهند وهى متغاظه وزعلانه وحاسه ان الغيره بتاكل فيها هند وهى بتاكل جزره وقاعده على الكنبه جمبها : كلميه على فكره انتى الى غلطانه صدفه بضيق : ليه انا الغلطانه! هو الى.. هند مقاطعها : صدفه بطلى استهبال هى خالت بناته من الطبيعى انها تبقى على تواصل معاه صدفه : طب ليه كلمنى ببرود وملل و.. هند بنرفزه : صدفه انتى عندك خال اهبل بقالى ساعه ونص بفهمك دى خالت بناته يعنى عادى لما يكلمها خاااالتهم اى الغيره الغريبه دى صدفه بضيق : لا ولوووو لازم تعرف حدودها كويس هند بتنهيده : اهو الحمد الله انتى قلتيها بل**نك يعنى هى الغلطانه وهو ملوش ذنب سكتت صدفه وهى بتبص للتلفزيون وسرحانه هزيتها هند ببتسامه : كلميه صدفه هزت راسها : لا مش الوقتى هند بتأفأف : ياااسااتر أنا تعبت معاكى طلعتى عينى يا شيخه الى يريحك اعمليه انا داخله انام شويه وجرس الشقه رن عقدت صدفه حاجبها وراحت تفتح الباب وبصت مفيش حد امال مين رن الجرس!؟ ولسه هتقفل لفت انتباها بوكيه ورد محطوط على الارض ابتسمت وشالته وبدات تشمه وابتسمت لما فتحت الكارت وعرفت ان ليث هو الى باعته قرات الكارت : بحبك وبحب غيرتك وبعشق تفاصيلك ولو بأيدى هد*كى قلبى كهديه بدل البوكبه دا بس قوليلى ازاى اهديلك قلبى وهو اصلا مِلك ليكى. ابتسمت صدفه ومسكت فونها بسرعه واتصلت عليه وجالها الرد بعد دقايق اتكلمت بسرعه ولهفه : ليث ليث بهدوء وماسك راسه ومغمض عينه : قلب ليث، شوفتى الهديه حبيبتى صدفه : ايوا شوفتها ليث : عجبتك صدفه بحياء : ايوا عجبتنى كتير، انا اسفه يا حبيبى ضغطت عليك والمفروض ان.. ليث قاطعها : لو راضيه عنى انزلى تحت انا واقف بالعربيه قدام العماره صدفه قفلت بسرعه وراحت لبست دريس بكم بسرعه وحجاب ونزلت بحماس وركبت العربيه ليث بهدوء : عايزك فى موضوع صدفه اتوترت : موضوع اى ؟! ليث ببتسامه : هخ*فك صدقه بضحك : هتخ*فنى ؟! فين ليث وهو بيمثل الجديه والحزم : هخ*فك واحبسك ومحدش هيعرفلك طريق صدفه بضحك : دا أنا حظى حلو هتسجن على أيد سجان جذاب وخاطف انظار زيك قولى طيب هتسجنى فين؟ بص لها ليث ببتسامه واسعه وغمز لها : هسجنك بين ضلوعى صدفه بدلع قربت بسرعه منه وهو بيسوق وقبلة خده برقه وبعدت : احبسنى وانا راضيه لان حبسك دا لطيف ضحك ليث : شايف غيرتك زايده الفتره دى !؟ صدفه وافتكرت سها وضغطت على ايدها بغيظ : براحتى حبيبى وجوزى أغير عليك براحتى ليث ببتسامه : براحتك طبعا يا حبيبتى وقف العربيه قدام مطعم ونزل وفتح باب العربيه لصدفه ونزلت ببتسامه : الله الله على الدلع دا بعدين اخد عليه ليث وهو بيمسك ايديها : ادلعى زى ما انتى عايزه _________________ تانى يوم فتحت صدفه عيونها على أضاءه الشمس الى دخلت الاوضه وابتسمت بسعاده امبارح كان يوم حلو ولطيف اكتشفت انها بتحب ليث حب عمرها ما كانت تتصوره وعدة نفسها انها مش هتزعله تانى لانه مستناش انها تفضل زعلانه وعلى طول دور على طريقه عشان يراضيها ويصالحها رغم انه ملوش ذنب مسكت فونها شافت ان الساعه 11 اى دا اتاخرت على الشغل لا دا اليوم ضاع عليه من اساسه قامت طلعت هدوم من دولابها ورجعت مسكت فونها لما لقت صوت وصول مسدج بصت فى الفون لقت رساله من رقم غريب عقدت حاجبها وفتحت الرساله كان محتواها ( بطلى غش عارفين أناى بتحربى على أى ومش هيحصل ) طنشت الرساله وجهزت نفسها وخرجت تتمشى شويا وتجيب كام طلب للبيت والتلاجه لان هند هتشاركها الشقه لحد ما تضبط أمورها ابتسمت لما افتكرت الورقه الى كانت ملزوقه على التلاجه وعرفت انها من هند كاتبه فيها ( صباح الخير صدفتى انا نازله ادور على مكان اعمل فيه الاستديو متعمليش اكل انا هجيب غدا وانا جايه أيلافيو وانجوى يا قمر انت يا جميل ) قضت يومها كله فى بتتسوق ورجعت مفرهده قعدت على الكنبه قدام التلفزيون بتابع باندماج ساعه.. ساعتين .. تلاته لحد ما جالها مسدج من ليث بيقولها تجهز عشان يخرجوا سوا بصت فى الساعه لقيتها 8 بليل وقفت ب**ل وبدات تجهز .... فى مكان هادى وقف ليث العربيه وخرج منها وقعد على العربيه وابتسم وهو بيشاور على المكان جمبه كاشاره لصدفه وعملت زيه وبصوا للسماء بهدوء ليث : بتحبي الليل ؟ صدفه : الليل غميق، و النجوم صاحية بتلمع، وأنا بحب الأ**د وبحب النجوم فبحب الليل ، بحب أعدهم .. نجمة ،اتنين .. تلاتة لابقا ! ليه عدهم صعب ؟ ليث ببتسامه : ليه القرب مِنك صعب ؟ صدفه ببتسامه : تجرب (بتمد إيديها ، فيمسك إيدها) ليث : سامعهَ اللي أنا سامعهُ ؟ صدفه : سامع إيه ؟ ليث : سامع صوت موسيقى هادية ، كأنها بتقولي يلا فرصتك عشان ترقص مرة مع بنت تحت القمر وعلى الطريق، جيت لك الفرصه تعمل حاجه مختلفه وبعيد عن المألوف صدفه ببتسامه : حاسه إني بدأت أسمعها ، دي الموسيقى اللي بحبها ! ليث ببتسامه واسعه وهو بيقف قدامها وهى مازالت قاعده على العربيه اتكلم بطريقه كانه أمير! : تسمحي بالرقصة دي سمو الأميرة؟ صدفه بحب وهى بتبص حواليها وملقيتش حد : أسمحلك سمو الأمير ____ قاعد جمبها على سطح عمارة أسماء بعد ما قرروا يطلعوا يقعدوا على السطح : انت ازاي استحملتني بجد! انا لو مكانك كنت هربت مني .. منك، من انا لو انت انا مؤمن بضحك : انتي بتقولي ايه ! مش ناقصين لابخة في الكلام اسماء بغرور : لعلمك أنت المفروض تاخد جايزة أحسن بنوته فيكى يا مصر مؤمن بصدق : انتي أحسن جايزة طلعت بيها من الدنيا اسماء ببتسامه : أنا جايزتك؟ بس أنا تافهه مؤمن : دي احلا حاجة فيكي ، خلينا نفرفش بدل ما نشيل الهم اسماء : وبعيط على اي حاجة، أنا المادة الخام للعياط مؤمن : أهو العياط ده دليل إنك إنسانة حساسة، دي حاجة حلوة اسماء : طب إيه رأيك إن أنا غ*ية مؤمن : أكيد غ*ية، هو فيه واحدة تفضل تعقد عريسها فيها ! اسماء : شوفت؟ أنا معقدة يابني مؤمن بتنهيده : انتي عايزة إيه؟ اسماء : عايزة أعرف حبتني ليه و أنا كلي كلاكيع كلها ضد بعض و إنسانة تايهة في الدنيا مؤمن : عشان أنا لقيتك تايهة فقولت أوصلك لمكانك الصحيح اسماء باستغراب : اللي هو فين؟ مؤمن : قلبي اسماء ببتسامه بلهاء : قلبي أنا والله اللي بتخليه عايز يطلع يحضنك ده، حرفياً القلب بيتنطط مكانه لما يحس بفرحة و راحة و إن فيه شخص واقع في حُب قلبك بكلاكيعه ...حُبي ليك مش من قليل، بس برضو بتحبني كل الحُب ده إزاي و أنا مطلعة عينك ؟! مؤمن برفعه حاجب : الإجابة في السؤال اسماء بعدم فهم : إزاي؟ مومن : عشان انتي عيني اسماء : ومن غير فلسفة؟ مؤمن هز راسه : ومن غير فلسفة ، عشان انتي عيني و روحي ، حد ميحبش روحه حتى لو مغلباه ؟ اسماء : عارف؟ مؤمن : عرفيني اسماء بحب صادق : أنا أكتر واحده سعيدة في العالم لإني قابلتك أنت و لإن ربنا و القدر اختروك أنت ليا مؤمن : طب بحبك بقا اسماء بضحك : وانا كمان بحبك.. عارف عجائب الدنيا التسعة؟ مؤمن رفع حاجبه : هما سبعة علي فكرة ! اسماء بلامباله : إيني واي ، المهم إنك عجيب.. مؤمن باستغراب : عجيب إزاي؟ زي إنك لابس كاب مع إننا بليل و مش شايفة سبب واضح ! زي إنك لابس الشراب فردة شكل و فردة شكل تاني خالص و طول الطريق بتقنعني إنهم شبه بعض بتسيب دايماً رباط الكوتش مفكوك و تقولي إنك مش شايفها حاجة مهمة ! ، زي مثلاً إنك لما تنزل مستعجل من غير ما تسرح شعرك بتحاول تقنعني إنك مسرحه على الموضة ! بتتكلم في أي كلام زي مثلاً لما تقولي الفضاء فيه فضائين فعلاً و هيغزو البلد ! بتتكلم كأن أنت اللي مش من العالم و جاي من الفضاء ، كأنك كائن فضائي بتتكلم عن الغربة مع انك مخرجتش برا حدود بلدك .. أنت غريب فعلاً و أنا حابك بغرابتك دى مؤمن ببتسامه : انتى بكلامك الحلو دا هتطرينى أعبر عن حبى بطريقه تانى غير الكلام عشان يوصلك مدى فرحتى بكلامك دا اسماء بضحك : اتلم واياك تتهور احسن تتعور مؤمن : مالك قلبتى سرسجيه مره واحده كدا . اسماء : احم انا كدا بكذا لون (من حقنا نحب و نختار شريك حياة الحياة معاه سهلة ، هادية ، و مفيهاش خوف من بكرا ، حياة الضحك فيها أكتر من الزعل، حياة بنتقاسم فيها مع بعض الضحك و العياط و الحُضن،شيء جميل لما تلاقى لما تلاقى حد بيحبك وبيخاف على مشاعرك وبيدور على رضاك وميحبش يزعلك لما تحس ان فى حد معتبرك انجاز بنسبه ليه... دايماً فيه كلام بيحسسنا إننا اختارنا صح ، كلام عمرنا ما سمعناه من حد تاني ، كلام بيكون فعل قبل ما يكون كلام ، الجايزة الحقيقية إنك تختاري شخص تكوني بالنسباله الجايزه اللي حارب كتير عشانها، عشان حَبها و عشان يفضل يحبها ). يتبع . . .

Free reading for new users

Scan code to download app

App Store Google Play

Facebookexpand_more