“DITO ba talaga sa mismong harap ng maraming tao at sa mismong venue ng kompetisyon magpe-present ang mga bata?” nagtatakang tanong ni Clarissa kay Rowena na kibit-balikat lang ang itinugon. Nais niyang magprotesta dahil inilagay siya sa kompromiso ng kanilang sponsor. Kung alam lang nito kung gaano siya nahirapan para paghandaan iyon.
“Makisakay ka na lang. After all, para sa 'yo lahat ng ito.” Makahulugan ang tugon na iyon ni Rowena pero nagsawalang-kibo na lamang siya.
Pumosisyon siya at ang mga bata sa stage na sinadyang itayo para sa kanila. Sa harap mismo ng maraming taon ay isa-isang ipinamalas ng mga bata ang husay sa pagkanta at paggamit ng musical instruments. Lahat ng iyon ay pinapalakpakan ng mga manonood. Tunay na maipagmamalaki ang mga bata ng ampunan. They were a bunch of
