Sa villa ng mga Andrada ginanap ang pag-iisang dibdib nina Lester at Clarissa na dinaluhan ng lahat ng mahahalagang tao sa buhay nila. Naroroon si Karen na tumayong maid of honor niya, ang pamilya ni Jonas at Jillian, at syempre, ang Tita Bridgette niya na kapansin-pansin ang malaking ipinagbago ng pakikitungo sa kanya. Katabi nito ang kanyang ama na masayang nakangiti sa kanya.
After all the pain and heartache, sino Ang mag-aakalang ang boyish at ordinaryong babae na tulad niya ay pakakasalan at mamahalin ng isang Lester Andrada.
'Nay, natupad na rin sa wakas ang panalangin mo na may lalaking magmamahal at mag-aalaga sa akin.
"Ano'ng iniisip mo?" masuyong tanong ni Lester sa gitna ng pagsesermon ng ministro na nagkakasal sa kanila.
"Marami," nakangiting sagot niya sa mahinang boses.
