"Halika na, lumabas na tayo para makapag-simula na ng gagawin natin," aya ko sa kapatid ko dahil nakapag-bihis na ako.
Pasalamat ko na lang na kasya pa sa akin ang ilang damit ko. Nakakatuwa na kahit maliit lamang ang bahay namin ay alaga ni mama ang mga naiwang gamit ko.
Nadatnan ko sina papa at mama na kausap pa rin si Declan. Mukhang seryoso ang usapan nila at natigil lang ito ng makita ako ni mama na lumabas ng silid ko.
"Andito ka na pala anak, naku nakakatuwa itong asawa mo. Kahit mayaman ay napakabait na tao," masaya at nakangiti na sabi ni mama.
"Oo nga anak, panatag ako na sa isang mabuting tao ka napunta," sabi naman ni papa.
"Tama, masaya ako para sa inyong dawala."
Hindi ako sumagot at tipid na ngumiti. Walang alam ang mga magulang ko sa totoong namamagitan sa amin ni Dec
