"Ano pa, pinag-fiestahan nga ako ng mga alaga n'yong lamok sa labas," nakakaloko na sagot nito na akala mo wala siyang ginawang masama kanina matapos palayasin ang bisita ko.
Pagkakataon ko na sana 'yon makatanggap ng bulaklak pero hindi man lang sumayad sa kamay ko. Bwisit na Declan 'to, gusto pa yatang ipakain kay Jacob kung hindi nito dinala paalis.
"Liegh anak, mabuti pa lumabas na kayo d'yan. Tanghali na, hindi pa kayo nag-almusal!" malakas na tawag ni mama sa amin mula sa labas.
Makasigaw naman siya ng tanghali na eh alas otso palang naman mahigit. Hindi pa talaga nagbabago si mama, basta tumaas konti ang sikat ng araw tanghali na agad. Kung sabagay, sanay kaming kumain at gumising ng maaga dito noon pa kaya naman kapag ganitong oras ay tanghali na ito para kay mama.
"Mauna ka ng
