Kapareho din sa bahay na tinutuluyan natin sa Maynila. Hindi safe ang pakiramdam ko dahil napakarami mong mga armadong tauhan sa paligid at palakad-lakad lamang sila at nasa loob pa ng bahay."
Sandaling natahimik si Declan matapos ang sinabi ko. Wala akong narinig na kahit ano mula sa kan'ya at tanging ang ingay ng mga kulisap sa paligid ang naririnig ko pati na rin ang malakas na buhos ng tubig na walang sawang dumadaloy mula sa mataas na talon.
"Paano kung dumating ang panahon na makikita mo ako na kailangan kong humawak ng baril para protektahan ko ang mga tao sa paligid ko?" tanong ni Declan kaya ako naman ang na tahimik saglit.
"Hindi mo naman kailangang gawin 'yon kasi marami ka namang bodyguards. Isa pa, kailangan mo sila dahil sa estado mo sa buhay kaya balang araw, baka masanay
