Pagmulat ng mga mata ko isang hindi pamilyar na silid ang nasilayan ko. It's like I'm in a place beyond my stirring imagination.
Namasdan ko ang kremang venetian blind na nakatakip sa parihabang bintana sa di kalayuan.
Napakatahimik ng buong paligid, tanging ang tunog ng makina ng isang nakabukas na aircon ang nagsisilbing ingay ng buong kwarto. Iginala ko ang paningin ko sa mga gamit na malapit sa kinaroroonan ko. May LCD TV sa bandang kaliwa ng hinihigaan kong kama. May lamesita at dalawang upuan din akong natanaw sa kanang bahagi.
Bahagyang kumirot ang ulo ko. Agad kong sinapo ang noo ko gamit ang aking kanang palad. Hindi ko alam kung gaano ba karaming shot ng cognac ang nainom ko kagabi. Hindi ko alam kung bakit naging ganito katindi ang nararanasan kong hangover ngayon.
Napaangat
