Mabilis kong sinundan si Troy palabas ng kanyang opisina. Hindi ko na alintana ang mapanghusgang pagtingin ng ilan sa mga nakakasalubong kong mga empleyado ng C and S.
"Good Morning Mr. Del Mundo." Narinig ko pang bati ng isang kararating lang na lalaking empleyado sa papaalis nang si Troy.
Tinanguan lang siya ni Troy pagkaraan ay nagpatuloy na siya sa paglalakad hanggang sa dulo ng pasilyo kung saan matatagpuan ang elevator ng fifth floor.
Nagtatakbo ako nang mabilis sa pagbabakasakaling maabutan ko si Troy roon. Ngunit naging bigo ako. Mabilis niyang isinarado ang pintuan ng elevator nang matanaw niya ang pagsunod ko.
Napapikit na lang ako nang mariin habang sapo-sapo ko ang aking noo. Mabuti na lamang at madaling bumukas ang isa pang elevator na nasa gawing kanan ko. Pumasok ako aga
