Napakurap ako habang pinapakinggan ang mga sinasabi ni Troy. Sa tingin ko ay nagsalita siya sa diyalektong Bisaya.
"Come again?" takang-taka kong tanong sa kanya. Umiling lang siya at ibinaling ang tingin sa kung saan.
Pinagkibit-balikat ko na lamang iyong narinig ko at umisip ng ibang topic na pwede naming pag-usapan.
"Mahilig ka rin bang mag-scuba diving?" pag-uusisa ko. Tumango si Troy pagkatapos ay inayos ang lock ng life vest na suot.
Napatigil ako nang bigla rin niyang hinawakan ang lock ng life vest ko. Sa tantiya ko ay tsini-tsek niya nang mabuti kung maayos ba ang pagkakasara noon.
"Yeah, different kind of aquatic activities capture my interest," wika niya matapos ilapat ang itim na lock ng life vest ko. Pati iyong lock na nasa kabilang tagiliran ko ay kanya ring inayos.
"Ar
