جمود قلب.. فاطمة الألفي

" الفصل الثامن.." جُمُود قلب

الفصل الثامن

جُمُود قلب .

بقلم فاطمة الالفى.

بعد أن سقط الهاتف من يدها أدركت الموقف .

أسرعت فى خطواتها تنادى الصغيرة .

كرمة بغضب .أيسن كفايا كدة أخرجى دلوقتى

أيسن .كمان شويا يا مامى تعالى معانا المية جميلة

كرمة بأنفعال .أيسن أنا قولت تخرجى حالا

حمزة بضيق من أنفعالها على الصغيرة .فى أية لانفعالك مافيش داعى تتعصبى اوى كدة عليها حصل اية يعنى

كرمة بغضب. حصل كتير فى مُصيبة فى الشركة لازم انزل مصر حالا مافيش وقت وانت تابع المشروع بنفسك

حمزة بقلق .مصيبة أية خير

كرمة . مش وقتهُ لازم أطلع المطار حالا وحضرتك تابع معايا المشروع بالفون وخليك مع مستر اكمل معاك كل تليفوناتى

حمزة .بس أنتِ إلا ماسكة المشروع وانا هكون مساعد ليكى

كرمة .عندك الصلاحية تكمله وكمان انت عامل تعديل فيه ولو فى اى جديد بلغنى نتناقش فى ، دلوقتى لازم اوصل المطار يارب الاقى حجز .

أيسن بزعل .بس أنا عايزة أفضل هنا مع حمزة

كرمة تمسك يدها من حمزة . أيسن حببتى مافيش وقت عشان خاطرى لازم نتحرك وانا هعوضك وهنرجع تانى لم المُصيبة تتحل وعد .

أيسن بزعل .اوكية باى يا حمزة

حمزة بابتسامة. باى يا حببتى

أسرعت كرمة فى تجهيز حقائب السفر وأبدلت ملابسها وملابس الصغيرة وأستعدت لمغادرة الفندق.

وأجرت بعض الاتصالات بالمطار لاستعلام عن طائرة متوجه إلى القاهرة ووجدت ضالتها وعليها الإسراع للالحاق بها .

ودعت حمزة وطلبت منهُ الإهتمام بالمشروع وتوجهت إلى التا**ى ليقلها إلى المطار .

وبعد خمسة عشر دقيقة كانت فى مطار الغردقة .

وأجرت اتصال آخر لعبدالرحمن وتخبرة بقدومها وتطلب منهُ الانتظار بالمطار ..

وبعد ذلك صعدت بصُحبه الصغيرة متوجه إلى الطائرة وجلست بالمقعد وهى تشعر بنار الغضب من فعلة والدتها .

*******&*&&********

فى القاهرة

فى شقة عبدالرحمن .

ملك .ها حصل أية كرمة قالتلك أية

عبدالرحمن . هى جايا دلوقتى وانا هطلع على المطار عشان أكون فى استقبالها ونشوف هنعمل أيه .

ملك .ماشى يا حبيبى ربنا معاكم

عبدالرحمن .لازم اتحرك دلوقتى عايزة حاجة منى

ملك .لا ياقلبى خلى بالك من نفسك وانا هروح اجيب أسر من عند ماما

عبدالرحمن . تعالى هوصلك فى طريقى .

ملك . اوكية يلا بينا ..

*****&**&************

فى شركة الحناوى.

كان يجلس بفرحة داخل مكتب كرمة وزوجتهُ تجلس بالمقعد أمامهُ .

كريم بمكر .مالك يافيرى

فيرى بقلق .كريم أنت أبن منصور الغزاوى بجد

كريم بكدب. مين منصور الغزاوى دة انا اسمع عنهُ ، بس مالو واية القلق دة كلهُ

فريال بتوتر .عبدالرحمن قال كدة

كريم .تلاقى سمع غلط ياروحى انا عرفتهُ بنفسى كريم منصور الغزالى تلاقى سمع غلط ياحببتى سيبك منهُ دة متغاظ أن انكشف وخلاص ماعدش هينهب فى الشركة تانى .

فريال بابتسامة. طب كويس

كريم .ها يا روحى عملتى أية كلمتى المحامى لازم تلغى التوكيل طبعا قبل ما كرمة ترجع من السفر .

فريال .انا واثقة عبدالرحمن دلوقتى اتصل بكرمه وقالها على إلا حصل .

كريم . عشان كدة لازم نكون سابقين بنتك بخطوة والتوكيل يتلغى فورا وتعمليلى توكيل خاص ليا أنا.

فريال .انا أتصلت بالمحامى بس هو فى المحكمة عندهُ مُرافعة.

كريم بجدية . لازم تفضلى وراة فاهمة عشان بنتك مش تنسب كل حاجة ليها .

فريال .دة توكيل إدارة بس يا حبيبى

كريم بمكر .حتى لو إدارة بس سهل تزور ياروحى

فريال .لا كرمة لا يمكن تعمل حاجة كدة

كريم بتنهيدة .خليكى انتِ طيبة كدة لم تضحك عليكى انا عايز مصلحتك ياحببتى ..

**************************

فى مطار القاهرة الدولى .

هبطت الطائرة فى أرض المطار .

وترجلت منها على عُجالة وتمسك بيد الصغيرة .

واخيرا تقابلت مع عبدالرحمن .

كرمة.عبدالرحمن

عبدالرحمن بحزن. حمدلله على السلامة

كرمة .الله يسلمك

عبدالرحمن حمل الحقائب وتوجهُ إلى سيارتة وضع الحقائب.

وجلست كرمة جانبهُ وهو بمقعد السائق وقاد السيارة ...

كرمة .عبدالرحمن وصلنى الشركة الاول وبعدين تاخد أيسن خليها مع ملك وأسر وانا هتصرف مع ابن الغزاوى

عبدالرحمن بقلق .لا هنوصل أيسن وافضل معاكى .

كرمة بأصرار .لا عشان خاطرى دى مواجه تخصنى مع فريال هانم وأبن الغزاوى.

بس واثق ان هو فعلا ابن منصور الغزاوى

عبدالرحمن . أيوة متأكد كمان هو عرفنى بنفسهُ .

كرمة بغضب .يبق الحكاية مدبرة بقى ، مش صدفة طبعا والست فريال هانم طبعا ماتعرفش أن ابن الغزاوى

كرمة بحزن .ولا تعرف يا عبدالرحمن أنا مابقتش فاهمة

عبدالرحمن بحزن .مش عارف اقولك أية وصلنا الشركة خلى بالك وانا هرجع وأستنى منك تليفون هكون قدامك

كرمة .سلام دلوقتى لم اخلص إلا ورايا انا هعدى عليك عشان اخد أيسن ، حببتى خليكى مع عمو والعبى مع أسر وانا هخلص شغل وارجعلك اوكية

أيسن. اوكية باى باى

....*****،،،،،،،،،******

أسرعت خطواتها فى ركض وصعدت بسرعة البرق إلى مكتبها .

****&&&&************

فى الغردقة

ظل حمزة شارد .عن اى مُصيبة تتحدث .

وفجأة وجد أكمل أمامهُ

اكمل ببرود .أذيك يا باشمهندس فين الباشمهندسة كرمة مش فى غرفتها .

حمزة .اهلا مستر اكمل الباشمهندسة رجعت القاهرة

أكمل بصدمة .نعم أزى والمشروع هى المتكلفة بيه ازى تسافر ومن غير ماتعرفنى.

حمزة بقوة .فى أية يا مستر أكمل هو حضرتك ولى أمرها هتاخد الاذن تتحرك ازى ولا أية ، وأن كان على المشروع أطمن هيتنفذ من بكرة ونبدأ الشغل فيه وأنا موجود وهتابع المشروع بنفسى.

اكمل بعصبية .مش حكاية مشروع بس

حمزة..بس أية

اكمل بتردد .عشان كرمة هى صاحبة الت**يم وانا واثق فى شغلها وكمان يهمنى وجودها

حمزة .أنا كمان م**م معاها المشروع وأطمن هيتم على أعلى مستوى وهتشوف بنفسك .

أكمل بخيبة أمل .تمام عن أذنك

حمزة .على فين أشرب القهوة معايا ونتكلم عن المشروع

اكمل .لا مرة تانية بقى عندى ميتنج مهم

حمزة. تمام لو فى اى استفسار تليفونات بقى عشان يكون فى تواصل

أكمل وهو يغادر .اوكية سلام

......

حمزة لنفسهُ .وربنا الراجل دة ماسهل وشكلهُ عينه زايغة كمان ، بس على مين ورحمة أمى لفضل فوق دماغهُ كدة ويحرم يبص على كرمه والتعامل هيكون معايا ياحلو ، ياحرام صعبان عليه هههه، بس ياترى فى مصيبة أية فى مصر ، ربنا يستر ...

*******،،،*،،*****************

فى شركة الحناوى

أقتحمت غُرفة المكتب فجأة.

وأتنفض على أثرها كريم الذى يجلس بالمقعد ويطلع على اوارق وملفات أمامه.

كريم بغضب.مين دى

فريال بصدمة .كرمه

كرمة بنظرة غضب وكرة وتصرخ بأنفعال .مين دة ومين سمح لك تدخل شركة الحناوى فى غيابى واذى تتجرأ وتقعد على مكتبى يا حقير انت

فريال بغضب .كرمة

كريم .ههههه انتِ بقى كرمه اهلا وسهلا

كرمة.يابرودك يا آخى مين دة يا فريال هانم العريس الجديد .

كرمة بعصبية .قولتى تتجوزى وقولت براحتك مش اول مرة لكن يُدخل شركة كامل الحناوى لأ ، وقولت لا بيتهُ ولا شركتهُ وأسم الحناوى مش حشرة زى جوزك دة يمحيه يا هانم ودلوقتي اتفضلى برة شركتى وتاخدى الننوس دة معاكى.

كريم .لعلمك يا حلوة فريال ليها فى الشركة ومن حقها تفضل فيها وتختار مين يباشر نصيبها فى الشركة .

فريال .انتِ ناسية انا ليا فى الشركة دى

كرمة بأنفعال. لا طبعا دة كان زمان يا فريال هانم قبل ما اعرف بعريس الهنا ، مجوزة أبن الغزاوى خلاص ضاقت بيكى الدنيا ومالقتيش غير دة ، إلا بسبب ابوة أدمرت عيلتنا، أنتِ أية مش حاسة بالكارثة إلا عملتيها ، أنا مش مصدقة نفسى .

فريال .لا مش ابن منصور انتى فاهمة غلط

كرمة بسخرية . هههه فعلا فاهمة غلط فهمينى الصح

بصراخ أعلى . فهمينى الصح انا تعبت وربنا تعبت منك ومن ق*فك

انتِ السبب فى موت أبويا برة الشركة برة وانت مستنى أية اخرج برة هى ملهاش اى وجود فى الشركة

فريال .أنا مش السبب فى موت حد والشركة دى ليه فيها.

كرمة .لا هو أنا مش قولتلك خلاص بح مالكيش حاجة فى الشركة وخلاص هبق احولك تمن البيع على حسابك لكن دلوقتى مالكيش اى علاقة بالشركة .

كريم .يعنى أية

كرمة بسخرية. يعنى فريال هانم باعتلى نصيبها والتمن هيُدخل فى حسابها بس بمزاجى انا .

فريال .ماحصلش انا ما بعتش حاجة أية بتسرقى والدتك

كرمة..لا أخص عليا أنا وحشة اوى ازى أسرق أمى لا عيب فعلا

دخلت لين .المحامى موجود يا باشمهندسة.

كرمة .خليه يتفضل طبعا

دلوقتى المحامى هيفهمك كل حاجة يا فريال هانم .

******،،*****،،،،،،،*********

فى منزل عبدالرحمن

بعد أن اوصل الصغيرة فرح أسر بوجودها وظل يلعب معها .

وعبدالرحمن يشعر بالتوتر والقلق على وجود كرمة بالشركة مع المدعو كريم ..

ملك .خلاص روح خليك جنبها بدال القلق دة

عبدالرحمن .أنا فعلا لازم أكون جنبها دلوقتى ربنا يستر

خرج عبدالرحمن من منزلهُ متوجه إلى الشركة...

*******،***،،،،،،********

عودة إلى الشركة مرة أخرى.

بعد دخول المحامى.

كرمة .استاذ يوسف اتفضل اشرح لفريال هانم انا أشتريت نصيبها ازى..

يوسف .فريال هانم عاملة توكيل بإدارة الشركة لكرمة وفريال هانم ليها نسبة بسيطة فى الشركة ٢٠% وبموجب التوكيل بالإدارة سهل الباشمهندسة تتصرف وتنسب نصيبها لنفسها لانها المُفستاد الاول فى الشركة والارباح بتدخل فى حساب حضرتك كل شهر وعلى هذا الاساس يجوز ضم نصيبك ٢٠%على نصيب كرمة لانها بالنهاية هى المسئولة عن الشركة ومن حقها تتصرف زى ماهى عايزة هى تملك النصيب الأكبر ، ممكن تُقع فى اى ضرر لو حضرتك ناوية تبيعى ٢٠% لشخص أخر فهى حقها تبيع لنفسها النصيب دة ودة كلهُ تم وأتسجل دلوقتى فى الشهر ال*قارى

فريال.دة اسمة تزوير يامتر

يوسف . يا فندم دة حقها ومافيش اى تزوير

كريم .عشان تعرفى بنتك عايزة تسرقك عايزة أية دى سرقتك فعلا

كرمة .حقك المتر هيجنبهُ وهيكون فى حسابك انهاردة أنا مابسرقش تعب أبويا انا بس بحافظ عليه .

شكرا يامتر تقدر تتفضل وتكمل اجراءتك وتبق تبلغنى

يوسف .تمام بعد اذنكم...

فريال .بقى تعملى فيةكدة

كرمة بأنفعال. وأنت رايحة تتجوزى ابن منصور الغزاوى عارفة ولا كدب عليكى وخبه حقيقتهُ الوسخة عنك .

فريال بغضب رفعت يدها وهوت على صدغ كرمة بقوة . أخرسى

كرمة بعصبية .برة برررررة

كريم بغضب ينظر بقوة لكرمة.ايوة انا ابن منصور الغزاوى وهدمرك ياكرمة....

يتبع ..

بقلم الكاتبة فاطمة الألفي..