احببت ملجأي

البارت الخامس

*ادم انصدم لما شاف جثه فريده علي الارض ورقبتها مدبوحه*

-ادم بصراخ:فريده اصحي فريده هتسيبيني لوحدي ازااايييي

-حسام:قوم معايا ي ادم

-ادم بعياط:ابني ي حسام فريده كانت حامل قتلوا فرحتي وقتلوا ابني

-حسام:طب قوم معايا يلا

*حسام اتصل بجاسم صاحبهم ظابط في الشرطه واتصل بالاسعاف*

-حسام:جاسم علي وصول وهنعرف مين اللي عمل كدا ربنا يصبرك ي صاحبي

-ادم: انا مش محتاج حد يعرفلي مين اللي عمل كدا لاني عارف ي حسام

-حسام:عارف؟مين اللي عملها؟

-ادم:سيبها لوقتها

*في مكتب سيف*

-مراد:هو حسام لسه متصلش؟

-سيف: لا وانا قلقت اوي

-مراد:طب م تتصل بيه شوف وصلوا ل اي؟

*اتصل علي حسام مرتين ومردش وفي المره التالته رد*

-سيف:قلقتني ي حسام مش بترد لي؟

-حسام:هكلمك تاني ي سيف

-سيف:ف صوت اسعاف جمبك انتوا كويسين يبني؟

-حسام:خلاص ي سيف قولت هكلمك تاني سلام

-مراد: ف اي؟

-سيف:مش عارف بس ف صوت اسعاف جمبهم وحسام صوته مش حلو ربنا يستر

-مراد:يارب

*في مكتب نور علي التليفون*

-نور:انا حاسه ان فيه حاجه مش حلوه هتحصل

-مريم:حاجه اي؟

-نور:مش عارفه بس قلبي مش مطمن كدا

-مريم:استهدي بالله ي نور انتي بطلتي تقرأي ورد القرأن بتاعك صح؟

-نور:بقالي يومين

-مريم: م هما اليومين دول اللي انتي بتحسي فيهم بحاجات غريبه ي انسه

-نور: معاكي حق هتقابليني ف الملجأ النهارده؟

-مريم: اه هخلص بس الدروس اللي عندي واجيلك علي طول

-نور:سلميلي علي طنط لحد م اشوفها

-مريم:يوصل يحبيبتي مع السلامه

*بعد ما قفلت*

-مريم:ماما

-امينه:نعم ي مريم انا ف المطبخ

-مريم:وانا اقول اي الروايح الحلوه دي

-امينه:يبت ي بكاشه كنتي عايزه اي؟

-مريم:البت نور بتسلم عليكي

-امينه:هي عامله اي صحيح وحشتني

-مريم: والله ي ماما هي متبهدله بس بت جدعه وبتقول الحمد لله

-امينه:المؤمن دايما متصاب وهي ي حبيبتي شافت كتير والدتها الله يرحمها كانت صاحبتي وحبيبتي كنا زيك انتي وهي كدا

-مريم:الله يرحمها اللي مزعلني انها متعرفش اصلا حاجه عنهم وحقيقي انا مش جايلي قلب اقولها حاجه

-امينه:هييجي يوم وتعرف بس هتزعل منك وهتشيل

-مريم:طب اقولها ولا اعمل اي ي ماما؟

-امينه:قوليلها عشان ع الاقل تبطل تدور عليها

-مريم: معاكي حق طب هي ماتت ازاي ي ماما؟

-امينه:مش مهم تعرفي ي مريم قوليلها انها اتوفت وخلاص

-مريم: حاضر انا هروح اخلص اللي ورايا واروحلها

-امينه:ماشي خلي بالك من نفسك

*بعد ما مريم خرجت*

-امينه:الله يرحمك ي زينب قطعتي بيا وسيبتي بنتك تتبهدل وهي متعرفش عنك حاجه سامحيني ان معرفتش عنها حاجه غير متأخر وربنا يسامحه اللي كان السبب ف بعدها عني السنين دي كلها

*في اسكندريه*

-جاسم: انت اكيد شاكك ف حد ي ادم صح؟

-ادم:انت عارفني ي جاسم مليش عداوه مع حد ف طبيعي مش هشك ف حد

-جاسم:اكيد ف شخص ع الاقل جه ف بالك وبعدين هي مختفيه من فتره لي مبلغتش!

-حسام:جاسم اهم حاجه دلوقتي نعرف مين صاحب المكان دا ومين اللي عمل كدا

-جاسم: انا اكيد مش هسكت بس لو عندك اي معلومه ي ادم تقدر تفيدنا بيها متتأخرش

-ادم: اكيد

-جاسم: انا كان نفسي اشوفكم ف ظرف احسن من دا بس شد حيلك ي صاحبي ربنا يرحمها

-ادم:يرحمهم ي جاسم

-حسام: كانت حامل

-جاسم:انا اسف صدقني مش هسكت غير لما اعرف مين السبب

-حسام:يلا بينا نرجع القاهره لازم اللي ف البيت يعرفوا

-ادم:هرجع البيت وهي مش فيه؟

-حسام:استقوي بالله يلا

*في فيلا الجندي كان سيف ومراد ومازن رجعوا البيت*

-سيف:هو حسام متصلش؟

-عبد الرحمن: لا هو فيه حاجه ولا اي مش كان معاكم ف الشركه؟

-سيف:هو وادم راحوا اسكندريه لان ف اخبار عن فريده

-ليندا:عرفوا مكانها؟

-مراد: احنا لسه منعرفش اي حاجه ومستنيين حد فيهم يكلمنا

-نعمه:ربنا يرجعها بالسلامه ي حبيبتي وحشتني اوي

-سيف:ربنا يستر

*في الملجأ نور كمان كانت رجعت*

-نجوي:حمد لله علي السلامه ي نور

-نور: الله يسلمك ي طنط

-عبده:اخبار الشغل اي ي ست البنات؟

-نور: الحمد لله يعم عبده اليوم كان حلو بس كان فيه شغل كتير

-عبده:ربنا معاكي يبنتي

*مريم وصلت*

-مريم:السلام عليكم يجماعه الخير

-نجوي: وعليكم السلام يقمر

-عبده:اي النور دا

-نور:بيجاملوكي علي فكره

-مريم:يستار علي رخامتك تعالي معايا عيزاكي ف موضوع مهم

-نور:طب م تتكلمي هنا

-مريم: الموضوع بخصوص مامتك

-نجوي:بتقولي مين؟ وانتي تعرفي مامتها منين ي مريم؟

-مريم:بصراحه ي طنط وانتي كمان ينور انا اعرفك من زمان وماما صاحبه طنط زينب الله يرحمها

-نور:بتقولي اي؟ الله يرحمها؟

-مريم:لما شوفتك صدفه ف مجمع الكليات وشوفت السلسله اللي ف رقبتك عرفتك وقتها جيت واتعرفت عليكي وحكيت لماما عنك وهي حكتلي انتي ازاي بعدتي وجيتي هنا

-نور:ازاي؟ وبابا فين وماما ماتت ازاي احكيلي ي مريم يلا

-مريم: انا معرفش حاجه والله غير ان باباكي هو اللي جابك هنا ومامتك اتوفت لكن ازاي صدقيني معرفش

-نور بعياط:وازاي فضلتي ساكته؟مصعبتش عليكي وانا بدور عليها بقالي سنين؟

-مريم: والله العظيم مكنتش عايزه احكيلك عشان مشوفكيش كدا وقولت اكيد هييجي يوم وتعرفي مكنش قصدي صدقيني

-نجوي: اهدي ي نور ي حبيبتي اهدي

-نور بصراخ:اهدي ازاي بدور علي امي بقالي 5 سنين ومش عارفه اوصل لحاجه وهي جايه ببساطه تقولي ماتت وعيزاني اهدي؟

-مريم: انا اسفه ي نور بجد اسفه

-نور:طنط انتي تعرفي حاجه عني او عن عيلتي؟

-نجوي:انتي سألتيني قبل كدا وقولتلك لا ي نور

-نور:بس انا مش حاسه كدا وحاسه انك تعرفي كل حاجه وانت كمان ي عم عبده انتوا متمسكين بيا دونا عن كل الأطفال اللي كانت معايا وربتوني وعلمتوني وانتوا مش مجبرين علي كدا يبقي ف حاجه غلط صح؟

-عبده:لا ي نور مش صح احنا حبناكي وصعبتي علينا وخلاص

-نور: صعبت عليكوا؟طب وانا مش صعبانه عليكم وانا بالحاله دي؟

-نجوي:كل حاجه وليها حل ي نور

-نور:الحل الوحيد انك توديني مكان بيتنا ي مريم لو سمحتي انا لازم اعرف اي اللي حصل

*ادم وحسام وصلوا القاهره*

-حسام: تعالي معايا ع البيت

-ادم:لا انا هروح بيتي انا وفريده

-حسام:بلاش النهارده ي ادم لحد م تبقي كويس

-ادم:ابقي كويس؟ روح ي حسام روح ومتقلقش عليا

-حسام:هروح اجيب هدوم ليا واجيلك

-ادم: متتعبش نفسك

-حسام:ملكش دعوه مش هتأخر عليك

*حسام وصل فيلا الجندي*

-سيف:اتأخرتوا كدا لي يعم؟

-حسام:فريده ماتت

-سيف:بتقول اي؟

-ليندا:ي نهار اسود

-نعمه:ي حبيبتي ي بنتي

-مراد:ماتت ازاي؟

-حسام:لقينا جثتها مدبوحه ف بيت ف اسكندريه

-مياده:انا لله وانا اليه راجعون ي حبيبتي ي فريده

-مايا:مدبوحه؟هو ف حد يجيله قلب يعمل كدا؟

-سيف:ادم فين؟

-حسام: ادم راح ع البيت وانا جاي اخد هدوم ليا وهروح اقعد معاه يومين موت مراته وابنه هي**ره

-مازن:ابنه؟

-ليندا بعياط:هي فريده كانت حامل؟

-حسام بتعب:اه

-ليندا بعياط:زمانه موجوع اوي ملحقش يشوف ابنه والطفل الصغير دا ملحقش ييجي ع الدنيا انا خايفه اوي ي ابيه

-حسام:خايفه من ايه بس ي حبيبتي

-ليندا:هو انا ممكن يحصل فيا كدا

-نعمه:بعد الشر عليكي يبنتي لي بتقولي كدا

-مايا:بس ي ليندا متقوليش كدا تاني

*في بيت ادم اول ما دخل البيت بدأ بفتكر ذكرياته معاها وصوتها وضحكتها*

*Flashback*

-فريده:الاكله باظت بسببك ي ادم اطلع برا يلا خليني اشوف هعمل اي

-ادم:انتي اللي ساعت م بتشوفيني مش بتبقي علي بعضك

-فريده:انا لا خالص علي فكره

-ادم:طب عينك الحلوه دي ف عيني كدا

-فريده:وبعدين معاك بقا

-ادم:خلاص خلاص انا هروح اطلب اكل من برا يستي انا جوعت

-فريده:والله انت رخم ي ادم

*End Flashback*

-ادم:سيبتيني لوحدي لي؟ بس وحياتك عندي ورحمه ابني اللي مشوفتوش هجيبلك حقك ايا كان مين اللي عمل كدا ف هو حرمني من اغلي اتنين ف حياته ونهايته علي ايدي

-ي تري مين اللي قتل فريده؟

-نور عرفت بوفاه والدتها هل تعرف بقيت الحقيقه؟