البارت السادس
1054 Words
*في بيت قديم وشكله بسيط*
-نور: هو دا البيت؟
-مريم:هو
-نور بعياط:حد ساكن ف البيت؟
-مريم:فاضي ي نور بس بلاش عياط
-نور:خلينا نطلع
-مريم:البيت مقفول بقاله 20 سنه اكيد مليان تراب مش بعيد يكون مسكون
-نور:مش فارق معايا هتطلعي معايا ولا اطلع لوحدي؟
-مريم:هطلع ي اخر صبري
*طلعوا والباب اتفتح بسهوله نور دخلت وبدأت تبص في المكان وشافت صوره لزينب*
-نور بعياط:هي دي كانت جميله اوي
-مريم:ربنا يرحمها ي حبيبتي
*دخلت اوضه كبيره وبصت فيها وبعدين لفت نظرها حاجه علي الارض*
-نور:اي دا؟
-مريم:مش عارفه التراب مش مبين حاجه
-نور:افتحي فلاش تليفونك كدا
-مريم:دم؟
-نور:دم هي ماما ماتت ازاي ي مريم!
-مريم: انا لما سألت ماما مرضتش تقولي واتعصبت
-نور:ف حاجه غلط حصلت وبتحصل
-مريم:طب يلا نمشي لان انا خايفه من المكان دا
-نور:يلا
*في فيلا ادم كان حسام وصل*
-حسام:كل دا كان مكتوب ي ادم ولازم ترضي بقضاء ربنا
-ادم:انا راضي بيه اكيد بس هرضي بيه اكتر لما ابرد النار اللي ف قلبي واخد روح ابن السيوفي ب ايدي
-حسام:قصدك مين؟ كريم؟
-ادم:هو
-حسام: انت عرفت ازاي ولي مقولتش ل جاسم؟
-ادم:انا لسه متأكدتش بس هعرف كل حاجه قريب
-حسام:متورطتش نفسك يصاحبي وجاسم مش هيسكت
-ادم:انا مش هستني الشرطه تجيب حقي
-حسام:اخد الحق مش عافيه ي ادم انا عارف اللي انت فيه وحاسس بيك ومش عايزك تخسر نفسك
-ادم بعصبيه:انا خسرت نفسي اصلا ي حسام لما ضاعت مني ومعرفتش الاقيها وخسرت كل حاجه لما شوفتها مدبوحه قدامي دا غير ابني اللي مشوفتوش معتش عندي حاجه اخسرها
*وسابه وقام حسام فضل قاعد متضايق لانه مش عارف يعمل حاجه لصاحبه*
-حسام:اعرفلي مكان كريم السيوفي وتحركاته الايام دي
-تحت امرك ي حسام باشا
*في بيت مريم*
-مريم:ماما انا ونور روحنا بيتهم النهارده
-امينه: وعملتوا كدا لي ي مريم؟
-مريم:نور اللي طلبت بعد م حكيتلها ومقدرتش اقولها لا
-امينه:وبعدين؟
مريم:ولا حاجه خلصنا ومشينا
*Flashback*
-نور:متقوليش ل طنط ان احنا لقينا دم ف اوضه ماما عشان متشكش ف حاجه
-مريم:طب لو سألت عملنا اي هناك!
-نور:قوليلها اني اتف*جت ع المكان ومشينا وخلاص
-مريم: حاضر بس انتي ناويه علي اي؟
-نور:انا ناويه اعرف اي اللي حصل ومش هسكت غير لما اعرف ماما ماتت ازاي ولي بابا جابني عند الملجأ ولي كل دا حصل وبابا فين دلوقتي وعايش ولا لا حاجات كتير عايزه اعرفها
-مريم:ان شاء الله هنعرف كل حاجه
*End Flashback*
-امينه:سرحتي ف اي؟
-مريم:ابدا تعبت بس شويه النهارده
-امينه:قومي نامي وريحي
*في الملجأ*
-نور:طنط نجوي؟
-نجوي:اي يحبيبتي
-نور:مش انا روحت البيت النهارده
-عبده:وعملتي اي؟
-نور:ابدا حبيت المكان مع انه متفتحش من زمان بس حسيت فيه بدفا
-نجوي بقلق:وانتي اللي يود*كي هناك بس ي نور المكان مقفول بقاله سنين و
-نور:ايوا واي بقا؟ فيه هناك اي؟ دم صح؟ امي ماتت مقتوله ي طنط مش كدا وانتي كنتي عارفه ومخبيه عليا ولا اي؟
-عبده:احنا منعرفش حاجه ي نور وقولتلك قبل كدا
-نور:وانا كنت بسال عادي مقولتش انكم عارفين تصبحوا علي خير عندي شغل الصبح
*بعد ما قامت*
-نجوي:انا خايفه ي عبده نور بدأت تكشف اللي حصل واحده واحده ويعالم اي اللي هيحصل
-عبده:خوفك وقلقك قدامها هو اللي هيضيع كل حاجه ي نجوي
-نجوي:غصب عني بخاف اقع بل**ني
-عبده:متتكلميش معاها ف الموضوع دا تاني ي نجوي فاهمه
*في اوضه نور علي التليفون*
-نور:انا متأكده انهم عارفين حاجه وقريب هيقولوا كل حاجه
-مريم:متحاوليش تخسري حد منهم ي نور
-نور:اللي ربنا عاوزه هو اللي هيكون انا مبحبش الكدب ودي هتبقي اكبر كدبه ف حياتي
-مريم:بطلي تفكير ونامي ي نور ريحي نفسك عشان عندك شغل الصبح
-نور:تصبحي علي خير
*تاني يوم الصبح في فيلا الجندي*
-ليندا:صباح الخير
-نعمه:صباح النور عندك كليه؟
-ليندا: اه محاضره واحده ومش هتأخر
-مايا:هي هتتدفن النهارده؟
-عبد الرحمن:اه
-ليندا:هو مش المفروض الجثه بتتشرح الاول؟
-سيف:ادم طلب ان كل الاجراءات دي تتم بسرعه لان واضح انها مقتوله من فتره وخلصوا وهتيجي من اسكندريه النهارده
-مراد:ربنا يصبره بجد
-سيف: خلينا نطلع ع الشركه لان احتمال ادم مش هيروح ولا حسام ممكن يتأخر
-مازن:هو حسام كلم حد فيكم؟
-عبد الرحمن:اه كلمني بيطمن علينا
-سيف:يلا بينا
*في فيلا ادم*
-حسام:انا هروح الشركه ساعه وهرجعلك لحد م جثه فريده توصل
-ادم: ماشي وابقي عدي علي مكتبي شوف لو ف اي حاجه هناك خلصها
-حسام:ماشي ي صاحبي خلي بالك من نفسك
-ادم:متقلقش
*في الملجأ*
-نجوي:مش هتفطري ي نور؟
-نور: لا شكرا مليش نفس
-نجوي: الاكل ملوش دعوه باللي بيحصل ي نور
-نور: واضح ان حاجات كتير هيبقي ليها دعوه باللي حصل وبيحصل ي طنط عن اذنك
*بعد ما مشت*
-نجوي:وبعدين ي عبده انا مش عايزه اخسرها كفايه امها
-عبده:انتي مبتزهقيش من الكلام ف الموضوع دا؟
-نجوي:اعمل اي بس دي بنتي
-عبده:متعمليش حاجه ربنا اللي هيحل كل حاجه
*في شركه البدري حسام وصل لمكتب ادم*
-حسام:ف اي اوراق محتاجه امضاء من ادم؟
-السكرتيره: الملف دا بس ي فندم
-حسام: تمام اتفضلي انتي
*في مكتب نور*
-نور: ي تري حسام جه ولا مجاش؟ اي دا وانتي مالك اصلا ي نور خليكي ف اللي انتي فيه
-السكرتيره:بتكلمي نفسك لي؟ بشمهندس سيف عاوزك
-نور:تاني؟
-السكرتيره: واضح ان عليكي توصيه جامده
-نور:ربنا يستر
*طلعت مكتب سيف*
-سيف:تعالي ينور
-نور:خير بشمهندس ف حاجه تانيه؟
-سيف:انتي الوحيده اللي قدرت تتعامل مع حسام بالطريقه دي
-نور:والمطلوب؟
-سيف:عندنا ف العيله الكبير قبل الصغير بيعمله حساب ولما عرفوا طريقتك معاه كلهم حابين يعرفوا مين الشخصيه الجامده دي
-نور:نعم؟ انا؟
-سيف:اه انتي هو ف حد تاني غيرك هنا؟
-نور:بس ي بشمهندس انا بتعامل معاه عادي معملتش حاجه كبيره يعني للدرجادي
-سيف بضحكه:بالنسبه عندنا كبيره
-نور:ماشي ي بشمهندس
-سيف:اول م الظروف تسمح انك تيجي البيت هعرفك لان ف حاله وفاه
-نور:انا لله وانا اليه راجعون
-سيف:تعرفي ادم البدري؟
-نور: اه طبعا هو اللي مات؟
-سيف: لا بعد الشر عليه حرمه هي اللي اتوفت
-نور:ربنا يرحمها ويصبره يارب
*قطع كلامهم تليفون سيف رن*
-سيف: ازيك ي حسام انت فين؟
-حسام:ف مكتب ادم بخلص شويه ورق انت ف المكتب؟
-سيف: اه ف حاجه؟
-حسام:طب ف ورق عند انسه نور خليها تروح مكتبي وتستني هناك
-سيف:تمام
*بعد ما قفل*
-سيف:عندك ورق يخص حسام خديه وروحي علي مكتبه
-نور:حسام؟
-سيف: اه فيه مشكله؟
-نور:لا لا خالص تمام عن اذنك
*في مكتب حسام*
-نور: ي تري هو عايزني لي انا مش برتاحله
-حسام:لي طيب هو انا زعلتك ف حاجه؟
-نور:اتفضل الورق اللي حضرتك عايزه
-حسام:كنتي بتعملي اي ف بيت عامر البرعي امبارح؟
-نور:وانت عرفت منين انت مراقبني؟
*في اسكندريه*
-جاسم:كله تمام ي دكتور؟
-الدكتور:المرحومه اتعرضت لض*ب كتير قبل الوفاه وض*ب كتير ف بطنها ادي لاجهاض الجنين
-جاسم:نقدر نخرجها من هنا امتا عشان اجراءات الدفن؟
-الدكتور: احنا خلصنا والجثه اتكفنت خلاص
-جاسم:شكرا ي دكتور
-اي علاقه حسام ب اهل نور وعرف ازاي أنها كانت هناك؟
-مين كريم السيوفي وهل هو اللي ورا قتل فريده ولا لا؟
-زينب اتوفت ازاي؟ ونور هتقدر تكشف الحقيقة كامله؟
- Writer
