احببت ملجأي

البارت الاول

*في يوم مشمس كانت نور بتلعب مع اطفال الملجأ*

-عم عبده:ي انسه نور

-نور بإبتسامه:انا اسمي نور بس ي عم عبده بلاش انسه دي انت اللي مربيني

-عم عبده:دا العشم برده يبنتي مش هتيجي عشان تفطري بقا ولا اي؟

-نور:شكل طنط نجوي مروقه علينا ف الفطار النهارده صح؟

-عم عبده:ايوا صح تعالي يلا

*في بيت عائله الجندي*

-عبد الرحمن:اطلعي صحي حسام هو لسه نايم لحد دلوقتي لي؟

-ليندا:انا هصحيه ي خالو

-روان:استني ي ليندا الداده صحته وزمانه نازل كملي فطارك

*في اوضه حسام كان بيلبس بدلته تليفونه رن*

-ادم:صباح الخير

-حسام ببرود:صباح النور انت فين؟

-ادم:يدوب لسه مخلص فطار ورايح الشركه

-حسام:طيب ف اجتماع ف مجمع الشركات النهارده متنساش سلام

*قفل الخط وخلص لبس ونزل*

-حسام:صباح الخير

-ليندا:صباح النور ي أبيه

-عبد الرحمن:اتأخرت ف النوم لي النهارده مش عوايدك؟

-حسام ببرود:كنت سهران امبارح علي شويه تصاميم مع سيف وخلصنا متأخر هو فين صحيح؟

-نعمه:فطر وسبق ع الشركه ي حبيبي افطر يلا

-حسام: معلش مليش نفس عن اذنكم

*خرج ركب عربيته ومشي لكن ف البيت*

-مياده:هينسي ي عبد الرحمن اكيد هييجي يوم وينسي

-عبد الرحمن:لحد امتا بس دا بقاله 15 سنه وهو علي قسوته وبروده دا

-نعمه:غصب عنه اللي هي عملته مش سهل علي طفل يتقبله برده

-عبد الرحمن:بلاش تجيبي سيرتها ي نعمه

-ليندا:طب انا همشي انا عشان متأخرش ع المحاضره

-مايا:استني خديني معاكي

-نعمه:خلو بالكم من نفسكم

-مايا: حاضر يلا مع السلامه

*في الملجأ*

-نجوي:انتي لسه ملقيتيش شغل برده ي نور؟

-نور:والله يست الكل لسه بدور بس ان شاء الله هلاقي يعني ادعيلي وبعدين كفايه عليا اداره الملجأ بعد وفاه عمو مدحت

-عم عبده:الله يرحمه كان راجل طيب لقاكي ملفوفه قدام الملجأ عندك 5 سنين وعماله تعيطي جابك لينا وبقيتي نور عنينا

-نجوي:حياتي بقت حلوه بعد وجودك فيها ي نور ربنا يخليكي ليا ي حبيبتي

-نور بعياط:انا بجد مش عارفه اشكركم ازاي انا اهلي لو كانوا موجودين مكنوش عملوا معايا زي م عملتوا

-نجوي:انتي بنتي اللي مجبتهاش

*قطع كلامهم صوت عربيه وصوت الاطفال فرحانين*

-نور: هو اي الصوت دا

*نجوي وعبده بان عليهم القلق*

-عبده:هطلع اشوف

*خرجوا كلهم والغير متوقع ان الشخص دا يكون حسام الجندي الداعم المالي للملجأ*

-عبده:اهلا اهلا حسام باشا المكان نور والله

-حسام:ازيك ي عم عبده وحشتني ي راجل ي طيب

-عبده:الحمد لله رضا انما مالك انت مش بتيجي هنا غير وانت مهموم وشايل ف قلبك كتير

-حسام:ومين سمعك والله اومال فين ست الكل

-نجوي:انا هنا اهو ي حبيبي

-حسام*وهو يقبل ايديها*:عامله اي؟

-نجوي:الحمد لله يبني شكلك مش زي عوايده لي؟

-حسام:هحكيلكم بس عايز فنجان قهوه من ايدك الحلوه دي

-نجوي:عنيا ي حبيبي

*وقفتها نور تسألها مين الشخص دا*

-نور:هو مين دا؟

-نجوي بتردد:دا دا يبقي حسام الجندي

-نور:ايوا بيعمل اي هنا واي الهدايا دي كلها انا اول مره اشوفه هنا؟

-نجوي: موضوع طويل تعالي نعمل قهوه وهفهمك

-نور:تعالي

*راحوا المطبخ وبدأت تحكيلها*

-نجوي:حسام دا بييجي الملجأ بقاله عشر سنين مكنتيش بتشوفيه بسبب دراستك وهو كان بييجي دايما ف وقت الصبح دا من اكبر عائلات مصر وهو اللي بيمول الملجأ بالفلوس لولاه كان زمانه اتقفل

-نور:بس انا شايفه انكم مهتمين بيه اوي ولا كأنه ابنكم

-نجوي:انا بعتبره زيك بالظبط امه الله يرحمها كانت صاحبتي ولما ماتت جه هنا اترمي ف حضني وفضل يعيط رغم ان عنده عماته الله يباركلهم بس مرتاحش لحد فيهم

-نور: دا حكايته حكايه

*عند حسام*

-حسام:قولي ي عم عبده هي مين اللي مع طنط نجوي دي؟

-عم عبده: قصدك نور؟ البنت دي ب 100 راجل وهي اللي ماسكه اداره الملجأ هنا

-حسام بشرود:شكل حكايتها طويله ومعرفش لي حاسس اني اعرفها قبل كدا

-عم عبده بقلق:ها يخلق م الشبهه اربعين يبني المهم احكيلي الدنيا عامله فيك اي؟

-حسام:مفيش جديد ابدا يعم عبده هو نفس الموضوع اللي شاغل بالي من 15 سنه

-عبده:انسي ي حسام انسي يبني مش هتنول غير وجع القلب وخلاص

*قطع كلامهم دخول نجوي ومعاها نور*

-نجوي:اتفضل القهوه ي حبيبي

-حسام:تسلم ايدك ي ست الكل

-نور:طب هستأذن انا واسيبكم تاخدوا راحتكم

-عبده:طب مش تسلمي الاول يبنتي البشمهندس حسام الجندي

-نور:تشرفت ي بشمهندس

-عبده:ودي نور اللي قولتلك عليها

-حسام:الشرف ليا ي انسه نور

-نور:شكرا عن اذنكم

*في المستشفي*

-روان:هو حسام مش ناوي ينسي اللي حصل بقا ويعيش حياته طبيعي

-وليد: والله انا نفسي يرجع حسام بتاع زمان بس نعمل اي ف دماغه الناشفه دي

-روان: اكيد ف حل وكمان لازم يتجوز باباك لازم يشوف حفيد لحد فيكم كفايه واحد

-وليد:انتي لي بتقولي كدا؟ بابا عمره م اتكلم ف الموضوع دا ي روان

-روان بعصبيه:مش لازم يتكلم ي وليد بس هو نفسه يشوف ليك اطفال ونفسه يفرح ب حسام عشان يشوف ولاده بس مش ذنبي ان بقالنا 7 سنين متجوزين ومعرفتش اخلف طفل واحد حتي

-وليد:استغفر الله العظيم انتي مؤمنه ي حبيبتي مينفعش تقولي كدا ربنا اكيد منع الخلفه دي لسبب يمكن كنا نخلف ويطلع ابن عاق او يكون معاق جسدياً او ذهنياً كنا هنزعل ويمكن ربنا رايد نخلف متأخر شويه وانا اتجوزتك عشان بحبك مش عشان اجيب منك عيال بس

-روان بعياط:ربنا يخليك ليا كلامك ريحني والله ربنا يرزقنا بالذريه الصالحه نفسي ف طفل منك ي وليد عشان بحبك

-وليد: ادعي ي حبيبتي واكيد ربنا مش هيخذلك ابدا

*في كليه اعلام*

-مايا:ازيك ي هنا عامله اي؟

-هنا:مايا وحشتيني

-مايا: وانتي كمان وحشتيني ها المحاضرات اي النهارده؟

-هنا:ناويه تحضري ولا اي؟

-مايا:اكيد طبعا النهارده يوم محاضره دكتور يوسف

-هنا:ي واد ي جامد ايوا النهارده فاضل عليها عشر دقايق يلا بينا

*في كليه طب الاسنان*

-ساره:ي اهلا ي اهلا بالقمر بتاعنا

-ليندا:اسكتي والله مزاجي وحش ي ساره

-ساره:لي بس مالك

-ليندا:معرفش ابيه حسام ماله وعلي طول زعلان

-ساره:اكبري شويه بقا زمان عنده مشاكل ف الشغل ولا حاجه

-ليندا:نفسي يبقي كويس ي ساره

-ساره:ادعيله ي حبيبتي وهو هيبقي كويس

*في شركه البدري*

-ادم بجديه:مواعيد النهارده اي؟

-السكرتيره: مفيش غير الاجتماع اللي ف مجمع الشركات مع البشمهندس حسام والبشمهندس سيف

-ادم: تمام ابعتيلي القهوه بتاعتي واتفضلي انتي

*بعد م خرجت بص لصوره علي مكتبه بحزن*

-ادم: وحشتيني اوي ي فريده حياتي وحشه من غيرك

*وصله اتصال من حسام*

-ادم:اي ي باشا انت ناسيني النهارده خالص

-حسام: معلش كان عندي كام مشوار كدا مهمين انت ف الشركه؟

-ادم:اه بخلص شويه اوراق كدا عشان ابقي جاهز للاجتماع بس قولي ي حسام مالك؟

-حسام:لينا قاعده طويله ي صاحبي متقلقش عليا انا كويس

-ادم:ماشي خلي بالك من نفسك ومتشلش هم حاجه

-حسام:ان شاء الله

*في الملجأ*

-نور:انتي فين ي انسه؟

-مريم:ف الطريق والله جايه اهو

-نور: اما اشوف اخرتها معاكي اي؟

*صوت خبط علي الباب*

-نور:طب اقفلي يلا لما اشوف مين ادخل

-نجوي:حسام باشا عاوزك ي نور

-نور بأستغراب:عاوزني انا؟خير؟

-نجوي:مش عارفه يبنتي تعالي شوفي عايز اي؟

*نزلت معاها عند حسام*

-نور:خير ي بشمهندس

-حسام:حابب ابدي اعجابي بالمكان وبرغم انك صغيره في السن وانك تعملي كل دا لوحدك حقيقي قوه وشجاعه احييكي عليهم

-نور:شكرا بس طنط نجوي وعم عبده الله يخليهم ليا ساعدوني كتير برده

-حسام:عندي ليكي عرض ممتاز

-نور:عرض اي؟

-حسام:انا محتاج مدير حسابات عندي ف الشركه ومرتب ممتاز احسن من هنا 100 مره قولتي اي؟

-نور:اخدت واجبك ي بشمهندس؟

-حسام:بمعني؟

-نور:بمعني شرفت عن اذنك

-لي نور ردت كدا؟

-ي تري اي حكايه حسام وحكايه مامته؟

-نور دي حكايتها اي ولي عايشه ف الملجأ مين أهلها ولي سابوها وهي عندها خمس سنين؟