احببت ملجأي

البارت الثاني

*أنصدم من رد فعلها*

-حسام بعصبيه:انتي ازاي تتكلمي معايا بالطريقه دي؟

-نور:دا اللي عندي ي بشمهندس ومعتقدش انك لما تبقي قاعد ف بيتك وف حضن مامتك وحد ييجي يقولك امشي ف مكان احسن هتفرح ولا اي؟

-حسام:انتي اتماديتي اوي واللي قولتيه هتتحاسبي عليه فهمها كويس ي عم عبده واحمدي ربنا اني مش بمد ايدي علي بنات والا كنت خليتك ندمتي ع اليوم اللي اتولدتي فيه

-نور:اللي عندك اعمله

*سابته ومشت*

-حسام بعصبيه:ياريت تفهموها انها غلطت والغلط معايا بحساب صعب اوي هي مش قده

-نجوي بقلق:متزعلش منها يبني هي برده متعرفش حاجه

-حسام:مش شغلي

*لبس نضارته وركب العربيه ومشي*

*نجوي وعبده راحوا مكتب نور*

-عبده:اي اللي عملتيه دا ي نور؟

-نور:انا معملتش حاجه ازيد من اللي كان لازم يتعمل

-نجوي:بس انا فهمتك ان دا بالذات محدش يغلط معاه

-نور:وانا مبخافش من حد ي طنط واللي عنده يعمله

-نجوي:بس ينور

-نور:خلاص ي طنط لو سمحتي انا همشي دلوقتي ف شركه كلمتني اروح اعمل مقا**ه ادعولي

-نجوي:ربنا معاكي ي حبيبتي

-عبده:خلي بالك من نفسك

-نور:مع السلامه

*في شركه الجندي وصل حسام وهو متعصب ودخل مكتبه ودخلت وراه السكرتيره*

-السكرتيره:تحب اجيب لحضرتك القهوه؟

-حسام بعصبيه:مش عايز حاجه

-السكرتيره:طب الاجتماع فاضل عليه

-حسام بصراخ:انا قولت مش عايز اسمع حاجه واتفضلي علي مكتبك حالا

*خرجت السكرتيره وهي خايفه من عصبيته*

-حسام:عمري م هسامحك ابدا ع اللي عملتيه انا حتي سيرتك بقيت بكرهها انا حتي الرحمه مش قادر اتمناها ليكي اما الانسه نور ف حسابها معايا كبير

*في شركه الشافعي*

-سيف:هو البشمهندس حسام متصلش؟

-السكرتيره:لا ي فندم

-سيف:طيب اتفضلي انتي وياريت لو تشوفي قاعه الاجتماعات جاهزه ولا لا؟

-السكرتيره:تمام ي فندم حاجه تانيه؟

-سيف: لا اتفضلي انتي

*في شركه البدري*

-السكرتيره:القاعه جاهزه للاجتماع ي فندم

-ادم:طب اتفضلي انتي

*مسك تليفونه ورن علي حسام*

*كان قاعد ف مكتبه متعصب لحد ما اتصل عليه ادم*

-ادم:جاهز للاجتماع ي صاحبي

-حسام:هلغيه

-ادم:تلغي اي ي حسام انت اتجننت احنا مبنلعبش هنا دا شغل ومستقبل اتفضل علي قاعه الاجتماعات يلا

*مسمعش رد لأن الخط قفل حسام خرج من المكتب ونزل علي قاعه الاجتماعات وهناك*

-ادم:ممكن تفهمني اي الجنان اللي انت فيه دا؟

-حسام:انا حر ي اخي

-ادم:لا ي بشمهندس مش حر دا مستقبلنا كلنا متوقف علي الاجتماع دا

*دخل سيف علي صوتهم العالي*

-سيف:ممكن تهدوا شويه لان صوتكم عالي جدا وكدا غلط انتوا مش لسه صغيرين

-ادم:تعالي شوف ابن خالك دا يعم

-سيف:ف اي؟

-ادم:الاستاذ عاوز يلغي الاجتماع

-حسام:م خلاص ي ادم مش قصه هي

-سيف:اهدي ي حسام شويه اجتماع اي اللي عايز تلغيه علي اخر لحظه احنا م صدقنا ان جاك وافق ينزل مصر

-حسام: انا مش مرتاح ل جاك دا اصلا

-ادم:اعصر علي نفسك لمون

*علي التليفون*

-نور:انا واقفه قدام الملجأ ي مريم انتي فين؟

-مريم:خلاص خلاص شوفتك اهو

*وصلت مريم وسلمت عليها*

-مريم:جاهزه!

-نور:متوتره شويه بس اللي ربنا عاوزه هيكون

-مريم:ان شاء الله ي حبيبتي يلا بينا

*ركبوا تا**ي وراحوا شركه البدري ولسوء حظ نور او حسن حظها انها تشتغل هناك لسه هنشوف*

-نور:قلبي مقبوض من المكان دا ي مريم

-مريم:اقرأي قرأن زي م بتعملي كل مره وان شاء الله المره دي خير

-نور:يارب

*في الملجأ*

-نجوي:انا خايفه علي نور اوي من حسام

-عبده:ومين سمعك بس حسام طيب رغم كل قسوته اللي بيحاول يبينها دي بس قلبه كبير

-نجوي:لكن نور مش سهله ولو حصل حاجه مش هتسكت

-عبده:متقدريش البلا قبل وقوعه بقا ي نجوي وسبيها لله

*في كليه اعلام*

-مايا:دكتور يوسف!

-يوسف:خير ي مايا فيه حاجه؟

-مايا:ابدا كنت حابه اسلم علي حضرتك بقالك كتير مش بتيجي الكليه

-يوسف:شكرا علي سؤالك كان ف شويه ظروف واتحلت الحمد لله عن اذنك

*بعد م مشي*

-مايا:اوووف بقا هو لي بيتعامل كدا

-هنا بضحكه: معلش خيرها ف غيرها

-مايا:ماشي ي يوسف ي انا ي انت

*في كليه الطب*

-ساره:بسبس ليندا؟

-ليندا:ف اي؟

-ساره:مش واخده بالك من اللي مركز معاكي دا؟

-ليندا:لا ومش عايزه اخد بالي وركزي بقا احسن م نتطرد م السيكشن

-ساره:فقريه والله

*في قاعه الاجتماعات الحوار هيكون مترجم*

-ادم: اهلا بك سيد جاك تسرني رؤيتك مره اخري

-جاك:شكرا لك ادم انا منبهر من اسلوبك في اقناعي حتي اتي الي مصر مره اخري

-سيف:هذا كان يجب ان يحدث سيد جاك ف انت صديق قديم لنا جميعاً

-جاك:بالتأكيد كيف حالك حسام يبدو انك لست بخير؟

-حسام ببرود:لا اعتقد ان هذا سبب قدومك الي مصر جاك دعنا نتحدث عن العقد ف هذا سيكون افضل لك

*بدأ سيف وادم يتوتروا شويه وبعد كدا بدأوا يتكلموا بخصوص العقد بين شركه جاك وبينهم*

-جاك:يسرني العمل معك مره اخري سيد ادم

-ادم:شكرا لك سوف نقوم بتحديد يوم اخر للانتهاء من كل شئ

-جاك:سأكون بإنتظار اتصالك

-ادم:حسنا

*بعد م خرج*

-سيف:كنت بتتعامل مع الراجل بشكل وحش ي حسام

-حسام:مش مطلوب مني ارقصله او اقوله نكت ي سيف عن اذنكم

-ادم:بجد مبقاش طبيعي وبالذات النهارده كأنه شاف حاجه فكرته باللي فات

*في شركه البدري بالتحديد الاستقبال*

-الموظفه:صباح الخير ي فندم اقدر اساعد حضرتك؟

-نور:صباح النور انا كنت مقدمه علي شغل ف الحسابات واتصلوا بيا عشان اجي

-الموظفه:حضرتك كنتي مقدمه ف اي شركه فيهم؟

-نور:يعني اي؟

-الموظفه: عندنا ف المجمع تلت شركات شركه البدري ودي مديرها المهندس ادم البدري ودي خاصه بتنفيذ المشاريع وشركه الشافعي ودي مديرها المهندس سيف الشافعي ودي خاصه بالت**يم وشركه الجندي مديرها المهندس حسام الجندي ودي خاصه بالحسابات وتمويل المشروعات

*نور سمعت اسم حسام قلبها اتنفض*

-الموظفه:كدا حضرتك المفروض تروحي شركه المهندس حسام

-نور:تمام شكرا يلا نمشي ي مريم

-مريم:لي يبنتي ف اي؟

-نور:انا استحاله اشتغل ف شركه البني ادم دا

-مريم: وانتي تعرفيه منين اصلا

-نور:تعالي هحكيلك

*خرجوا قدام المبني وحكت لمريم اللي حصل الصبح*

-مريم:انتي ل**نك دا مش هتقصريه شويه؟

-نور:هو اللي عصبني

-المكان هنا مش للحكاوي تقدري تقعدي علي اي كافتيريا وتتكلمي

*نور سكتت فجأه لما سمعت الصوت ومكنش غير حسام الجندي ومعاه ادم*

-حسام:اظن سمعتيني كويس؟

-نور:اظن أن محدش طلب رأي حضرتك اصلا يلا ي مريم

-حسام:انتي اتعديتي حدودك كتير النهارده

-نور:زي م انت بتعمل بالظبط

-ادم:خير ي انسه انتي محتاجه حد هنا؟

-نور:ابدا كنت مقدمه علي وظيفه بس خلاص مش عيزاها

-ادم:كنتي مقدمه فين؟

-نور:ف الحسابات

-ادم:ف شركه حسام يعني

-نور: عشان كدا مش عايزه الوظيفه عن اذنك

*سابتهم ومشت وادم واقف مش فاهم حاجه وكمان حسام عصبيته زادت*

-ادم:انت تعرفها؟

-حسام ببرود: لا

*وسابه ومشي ادم جاله اتصال*

-ادم:ف جديد؟

-قربنا نوصل للي عمل كدا ي باشا متقلقش

-ادم: انا مش عايز اشوفك قدامي غير وانت جايب المعلومات كلها فاهمني؟

-تحت امرك ي باشا

*في فيلا الجندي*

-نعمه:مالك ي عبد الرحمن قاعد كدا لي؟

-عبد الرحمن:ابدا ي حبيبتي تعالي

-نعمه:فيك اي بس ي اخويا احكيلي

-عبد الرحمن:زعلان علي حال ولادي الاتنين واحد مش بيكره ف حياته قد الستات وسيره والدته بالذات والتاني متجوز ولحد دلوقتي مش قادر اشوفله عيل واحد

-نعمه: وحد الله وليد بيحب روان واكيد ربنا رايد انهم يخلفوا دلوقتي وهما لسه صغيرين انما حسام مسيره يفوق لنفسه ويعرف ان اللي حصل دا كان مكتوب

-عبد الرحمن:حسام دماغه وحشه ومش هيسكت غير لما يعرف الحقيقه كلها ويقدر يلاقي البنت اللي ضاعت من 20 سنه

-نعمه:هيلاقيها لكن الله اعلم اي اللي حصل معاها او هي فين اصلا

-عبد الرحمن:الحمد لله يارب علي كل حاجه بتحصل معانا سواء حلوه او وحشه وانت عمرك م تجيب وحش ابدا يارب

*في كليه الاسنان*

-ليندا؟

-ليندا:خير ي محمود ف حاجه؟

-محمود:ينفع اتكلم معاكي شويه؟

-ليندا:معلش مش هينفع والله عن اذنك

-محمود:وبعدين معاكي يبنت الشافعي

*في شركه الجندي*

-حسام:انا عاوز البنت دي تيجي تشتغل هنا ب اي طريقه

-ادم:ودا نعمله ازاي يعني؟ وبعدين انت مش قولت ملكش علاقه بيها؟

-حسام:هتفهم كل حاجه بعدين بس خلي السكرتيره تتصل بيها وتقولها تيجي بكره ف شركتك عادي

-ادم: بس انا مش محتاج حد ف الحسابات؟

-سيف:انا محتاج

-حسام:حلو اوي

-سيف: هقوم اشوفلك الحوار دا بس لو فيها اذيه حد هزعلك؟

-حسام:متخافش انا مش بتاع اذيه

-سيف: ماشي اما اشوف اخرتها معاك

*بعد م خرج*

-ادم:م تقولي انت ناوي علي اي؟

-حسام ببرود:هشغلها

-ادم:حسام مش عليا؟

-حسام:عاوزها قدامي كدا حاسس اني اعرفها

-ادم:انا مبقتش فاهمك اعمل اللي انت عايزه بس انك تأذي حد محدش هيقفلك غيري

-حسام:وماله ي ادم وماله ي حبيبي تحت امرك

*في الملجأ*

-نجوي:عملتي اي ي نور؟

-مريم: رفضت الوظيفه ي طنط

-نجوي:لي كدا يبنتي

-نور:مدير الشركه حسام الجندي ي طنط والبني ادم دا لو كان اخر حد ف الدنيا مش هشتغل معاه ابدا

-مريم: وهو عملك اي يعني ي نور؟

-نور:معملش بس انا مش مرتاحه للبني ادم دا حاسه ان فيه وراه كتير وانا لما مش بطمن لموضوع اعرفي ان شكي ف محله

-مريم:حلو ي حلو خليكي قاعده هنا بقا من غير شغله ولا مشغله

-نور:ف اي ي مريم م تتكلمي كويس هو يعني مفيش شغل ف البلد غير عنده وحتي لو انا عاجبني القاعده هنا مكان م اتربيت مش شويه فلوس هتخليني انسي كل دا

-مريم: انا اسفه

-عبده:محدش يجبرها علي حاجه سيبوها علي راحتها

-نور: عن اذنكم هروح اشوف الاولاد

-مريم:هاجي معاكي

*بعد م خرجوا*

-نجوي:انت لي قولت كدا؟

-عبده: عشان مينفعش نور تقرب من حسام ابدا ي نجوي

-نجوي:هما الاتنين ميعرفوش بعض ي عبده متكبرش الدنيا والبنت محتاجه شغل

-عبده:تشتغل بس بعيد عنه انا اه بعتبره زي ابني وكل حاجه بس نور تربيتي واخاف عليها اكتر من نفسي وجودها جمبه هيأذيها

-نجوي:ويمكن هو اللي يقدر يحافظ عليها

-عبده: اقفلي ع الموضوع دا بقا وبلاش كلام فيه تاني

*في المستشفي*

-روان:حمد لله علي سلامتهم وتتربي ف عزكم ان شاء الله

-ربنا يباركلك ي دكتوره ويرزقك الذريه الصالحه يارب

-روان بحزن: عن اذنكم

*دخلت مكتبها وفضلت تعيط لحد م دخل وليد*

-وليد:خلصتي ي حبيبتي ولا لسه؟اي دا روان انتي بتعيطي؟

-روان بعياط:وليد انت بتحبني صح؟

-وليد:اكيد طبعا بحبك لي بتسألي سؤال زي دا؟

-روان:هطلب منك طلب واحلف بحياتي عندك انك تنفذه

-وليد:طلب اي ي روان؟

-روان: احلف الاول ي وليد

-وليد بعصبيه:مش هحلف وخلصي قولي ف اي انا علي اعصابي

*حاولت تمسك اعصابها واخدت نفس عميق*

-روان:عيزاك تتجوز

*كانت بتقول الكلمه وهي قلبها بيوجعها وهو انصدم من طلبها ازاي بعد عشره السنين دي كلها وتطلب منه كدا*

-وليد: انتي اتجننتي صح؟ جواز اي اللي بتتكلمي عنه

-روان:اسمع كلامي اتجوز عشان تخلف ولاد تشيل اسمك لكن متحكمش علي نفسك تفضل معايا كدا

-وليد:كدا اللي هو ازاي انا اخترتك ب ارادتي ووعدت ربنا قبل م اوعدك اني احطك ف عنيا ومبعدش عنك لحظه وبقالي سبع سنين بوفي بوعدي تيجي انتي دلوقتي تقولي اتجوز مستحيل ي روان وانسي الموضوع دا خالص

*وسابها وخرج*

*سكرتيره سيف اتصلت ب نور*

-السكرتيره:انسه نور معايا؟

-نور:ايوا مين حضرتك؟

-السكرتيره: انا بكلم حضرتك من مكتب المهندس سيف الشافعي هو شاف ال cv بتاعك وطلب انك تيجي الشركه بكره تستلمي الوظيفه ودا بعيد تماما عن شركه الجندي

-نور بتردد:طيب تمام الصبح ان شاء الله هكون موجوده

*في شركه الجندي*

-سيف:الصبح هتيجي

-حسام:حلو اوي متحرمش منك ي صاحبي تنوري الشركه ي انسه نور

-رجوعها الشركه ف صالح مين فيهم؟

-مين البنت اللي بيدور عليها حسام هل هي نور ولا شخص تاني لسه مجهول؟

-مين فريده واي قصتها؟