احببت ملجأي

البارت الثالث

*في الملجأ بليل*

-نور:ف حاجه غريبه

-مريم: حاجه اي!

-نور:انا كنت مقدمه ع الشغل ف شركه البدري لي السكرتيره اتصلت من شركه الشافعي؟ولي قالتلي ان شغلي هيبقي بعيد عن شركه حسام حاسه ان الموضوع فيه حاجه غلط

-مريم:بقولك اي روح المفتش كرومبو اللي جواكي دي خرجيها وروحي وركزي ف شغلك وخلاص احنا م صدقنا

-نور:الواحد غلطان انه بيتكلم معاكي اصلا قومي روحي علي بيتك يلا

-مريم:ايوا انا لازم ابقي امشي لاني اتأخرت وهجيلك الصبح قبل الشغل

-نور:ماشي تصبحي علي خير

-مريم:وانتي من اهل الخير يحبيبتي

*في فيلا الجندي كانت العيله كلها متجمعه علي العشا*

-عبد الرحمن:اومال وليد فين ي روان؟

-روان:بيغير هدومه وجاي دلوقتي

-مياده:انتوا كويسين ي حبيبتي شكلكم زعلانين مع بعض

-روان:لا لا ابدا انا بس كان عندي عمليات كتير النهارده ف تعبانه شويه وانتي اخبار العياده بتاعتك اي ي حبيبه

-حبيبه:لسه شغالين علي التجهيزات وقريب هتتفتح ان شاء الله

-مازن:اول جلسه ليا ببلاش عايز انضف سناني

-مراد:قصدك تنضف حياتك

-مازن:هخليني ف سناني دلوقتي

-احمد:اللوح اللي هتبقي ف العياده كلها عليا هديتي ليكي يستي

-حبيبه:ادي الاخوات ولا بلاش مش تقولي هاجي انضف سناني ببلاش

-مازن:انتي زعلانه لي هقوم ا**رهم دلوقتي لكن هتقارنيني ب احمد لا يستي استغفر الله انا مش قده

*دخل حسام ومعاه سيف*

-سيف:بتضحكوا من غيري اكيد الحفله علي مازن

-مازن:للدرجادي سمعتي وحشه

-حسام: مازن

-مازن:نعم ي كينج

-حسام:محتاجك معايا ف الحسابات ف الشركه من بكره تجبلي ال cv بتاعك وتكون علي مكتبي الساعه 10

-مازن:حاضر

-عبد الرحمن:مش انت عندك حد ف الحسابات اصلا؟

-حسام بإبتسامه بسيطه:كان ف موظفه قدمت علي الشغل بس معجبنيش ال cv بتاعها

-مازن: وانا اللي هعجبك اوي؟

-احمد:ربنا معاك ي بطل

-مراد:ي حبيبي ي مازن كنت بحبك اوي

-مازن: اتلم بقا انت وهو محسسني ان حسام بيعض حسام؟

-حسام:ها؟

-مازن: انت بتعض؟

*ضحكوا عليه كلهم*

-روان:عن اذنكم هشوف وليد

*طلعت اوضتهم*

-روان:منزلتش لي ي وليد؟

-وليد:مليش نفس اكل

-روان:كلهم تحت بيسألوا عليك

-وليد:قوليلهم نايم قولي اي حاجه

-روان:انت لسه زعلان من كلامي ف المستشفي؟

-وليد: لا

-روان:ماشي ي وليد اللي يريحك

*سابته ونزلت*

-حسام:وليد منزلش لي؟

-روان:تعبان شويه

-حسام بشك:ف حاجه مزعلاه؟

-روان:ابدا ي حسام انا هخرج ف الجنينه شويه عن اذنكم

-مايا:شكلها زعلانه اوي

-ليندا: تعالي نطلع نقعد معاها قومي ي حبيبه معانا

*بعد م خرجوا*

-حسام:هما زعلانين عشان نفس الموضوع

-نعمه:هما لما وصلوا كان باين عليهم زعلانين وليد استأذن وطلع وهي فضلت معانا

-مياده:موضوع الخلفه دا مأثر عليهم بالذات روان ي حبيبتي زعلانه اوي وهو مش ذنبها

-حسام: حضرتك مش بتتكلم معاها لي ي بابا

-عبد الرحمن:هقولها اي بس يبني

-حسام:انا هطلع اتكلم مع وليد اشوف اي اللي حصل

*في الجنينه*

-مايا:اي ي ورد الجناين مالك؟

-ليندا:قولي بس الجميل زعلان لي؟

-حبيبه:معندهاش سنان باين عشان كدا مش عارفه تضحك

-روان بإبتسامه:العصابه حضرت

-مايا: ايوا حضرت وعايزين نعرف اي اللي مزعلك كدا؟

-ليندا:خليني اخمن؟اتخانقتي مع ابيه وليد عشان الاولاد صح؟

-حبيبه:ليندا

-روان:سيبيها ي حبيبه هي عندها حق احنا فعلا اتخانقنا عشان عيزاه يتجوز وهو رافض

-حبيبه:بتقولي اي؟ يتجوز

-مايا:لا لحظه استوعب انتي عايزه وليد يتجوز عليكي؟

-ليندا: انا اسفه بس اكيد انتي مش ف وعيك وانتي بتقولي كدا انتي عارفه ومتأكده انه مش هيوافق وانه مش بيحب غيرك ولا هيوافق ان واحده غيرك تشاركك فيه

-روان:يجماعه افهموني عمو عبد الرحمن نفسه يشوف اطفال ل وليد وانا مش قادره اعمل دا ف اقترحت عليه يتجوز

*سمع كلامها عبد الرحمن ونعمه*

-عبد الرحمن:تفكيرك غلط يبنتي

-روان:حضرتك هنا؟

-عبد الرحمن:ايوا هنا وكل اللي قولتيه غلط كلنا عارفين ان وليد بيحبك ومش هيوافق وانتي نفسك اقترحتي دا وانتي مش موافقه ولا راضيه يبقي لي؟

-روان بعياط:انا مش عايزه اظلمه ولا اظلم حد منكم معايا كلكم نفسكم ف حفيد للعيله

-عبد الرحمن:متكمليش واسكتي انتي قبل م تكوني مراته ف انا بعتبرك زي بنتي وانا مش هقبل كدا علي بنتي واكيد ربنا ليه حكمه ف كدا ولو عليا ف انا مش عايز غير اشوفكم مبسوطين مع بعض

-نعمه:استهدي بالله ي حبيبتي ومتزعليش نفسك ولا تزعلي وليد بالموضوع دا تاني واللي ربنا عاوزه هيكون

-روان:ونعم بالله

*في اوضه وليد*

-حسام: مالك ي وليد؟

-وليد:عيزاني اتجوز عليها ي حسام

-حسام:نعم؟

-وليد: عيزاني انسي السنين اللي بينا وذكرياتنا سوا وحبي ليها 8 سنين واتجوز واحده تانيه غيرها عشان اخلف

-حسام: اهدي هي اكيد قالت كدا من خوفها من بابا لكن هي من جواها متقدرش تعمل كدا هي بتحبك ي وليد

-وليد:بحاول افهمها ان تفكيرها غلط بس مفيش فايده فيها

*صوت خبط علي الباب*

-مايا:خالو عايزكم تحت

-حسام:ماشي جايين تعالي نشوف ف اي وروق هتتحل

-وليد:ان شاء الله

*نور كانت قاعده في جنينه الملجأ سرحانه*

-نور بعياط:بابا بلاش تسيبني لوحدي ي بابا ماماااا

-انا مش قادر اسيبها هنا

-ي انا ي هي؟

-نور:ماما وديني عند ماما ي باباا

*فاقت علي صوت نجوي*

-نجوي:نوور؟

-نور:ايوا ي طنط

-نجوي: سرحانه ف اي وبتعيطي؟

*مسحت دموعها*

-نور: لا ابدا كنت بفتكر حاجه كدا

-نجوي: حبيبتي مش عيزاكي تزعلي علي كل اللي حصل وبيحصل ولسه هيحصلك كل دا ربنا كاتب ورايد انه يحصل مفيش ف ايدينا ان احنا نغيره

-نور:ونعم بالله ي طنط بس انا صعبان عليا نفسي اوي ان اهلي يسيبوني كدا ومفكروش اي اللي ممكن يحصلي انا حتي معرفش اي اللي حصل معاهم نفسي اعرف الحقيقه

-نجوي:كل حاجه ف وقتها هتعرفي اكيد وهتوصلي لحاجه

-نور: طنط هو حضرتك تعرفي حاجه ومخبياها عليا؟

-نجوي بتردد:ها اا انا لا معرفش يحبيبتي هعرف منين يعني قومي يلا عشان تنامي وراكي شغل الصبح

-نور:ايوا صح كنت ناسيه تصبحي علي خير

-نجوي: وانتي من اهله يبنتي

*نجوي سابتها وراحت ل عبده*

-نجوي:عبده ي عبده

-عبده:اي ي نجوي ف اي؟

-نجوي:احنا لازم نحكي الحقيقه ل نور

-عبده:انتي اتجننتي دا موضوع اتقفل من 20 سنه عايزه تفتحي ف الجروح القديمه لي؟

-نجوي: عشان هي مش هتسكت ولا حسام كمان هيسكت وهيفضلوا يدوروا ورا اللي حصل

-عبده:عدي الليله دي علي خير ي نجوي ونامي وشيلي الموضوع دا من دماغك خالص هما من غير حاجه مبقوش طايقين بعض من موقف واحد لو عرفوا الحقيقه محدش عارف اي اللي ممكن يحصل

-نجوي:ربنا يجيب العواقب سليمه

*في الفيلا*

-وليد:خير ي بابا

-عبد الرحمن:صالح مراتك ي وليد ومتزعلهاش تاني انتوا ملكوش الا بعض متخليش الزعل والمواضيع التافهه دي تبعدكم عن بعض

-روان:انا اسفه ومش هفتح معاك الموضوع دا تاني

-وليد وهو بيحضنها:وحياتك عندي م عايز غيرك م الدنيا دي

-مازن: ايوا يعم الله يسهله

-احمد:يبني ابعد عينك دي شويه يستار منك

-مازن:يعم صحاب الشأن متكلموش خليك ف كوزك بقا

-وليد:صحاب الشأن كانوا بيقرأوا المعوذتين ف سرهم ي مازن ي حبيبي

-مازن:واضح ان مش سمعتي بس اللي وحشه لا وعيني كمان ربنا يحميني

*ضحكوا عليه وبعدين كل واحد طلع علي اوضته وفي اوضه حسام ذكرياته مش بتفارقه*

-عبد الرحمن:انتي وجودك ف البيت دا هيوسخه دا انتي حتي مفكرتيش ف ولادك

-مبقتش طايقه العيشه معاك ولا مع عيلتك انا مش شبهكم ف طلقني وخلي ولادك عندك

-حسام:ماما

-ادخل علي اوضتك انت اي اللي جابك هنا امشي يلا

-عبد الرحمن:اطلعي برا بيتي

-طلقني الاول

-عبد الرحمن:انتي طالق بالتلاته

-شكرا انك **بتني حريتي عشان اعرف اعيش حياتي مع شخص بحبه

*صحي علي صوت قرأن الفجر عنيه كانت حمرا ونفسه سريع*

-حسام بغضب:مش هسامحك عمري كله

*في بدايه يوم جديد استعدت نور عشان تروح شغلها لكن قلبها لسه مقبوض من المكان*

-عبده:صباح الورد

-نور:صباح الفل ي عم عبده

-عبده:اقعدي يلا عشان تفطري

-نور:سبقتك وبعدين متأخره علي معادي يلا ادعيلي

-عبده:ربنا معاكي يبنتي ويعدي الايام دي علي خير

*في الفيلا*

-حسام:متتأخرش علي معادك ي مازن

-مازن:وراك علي طول ي كينج

-سيف:انت كويس ي حسام؟

-حسام:كويس انا همشي

-مراد:انا هقعد مع سيف النهارده نشوف التصاميم اللي انت عاوزها

-حسام:براحتكم سلام

-ليندا:شكله منمش كويس

-مايا:وانتي الصادقه دا شكله منمش اصلا ربنا يستر

*في شركه الشافعي*

-نور: صباح الخير انا نور

-السكرتيره:اه اهلا اتفضلي اوريكي مكتبك

*في مكتب حسام*

-حسام:ي اهلا ي اهلا بالنور كله نورتي المكان

-ادم:هي مين اللي نورت المكان؟

-حسام:لا متشغلش بالك وصلت ل اي ف موضوع فريده؟

-ادم: قريب هعرف كل حاجه

-حسام:ربنا معاك ويصبرك ي صاحبي

*ف المكتب*

-السكرتيره:اتفضلي دا مكتبك

-نور: شكراً طب لو سمحتي هو المكتب هنا ف اي اوراق او حاجه ليها علاقه بشركه الجندي؟

-السكرتيره: لا ولو فيه حد غيرك هيروح متقلقيش

-نور: تمام شكرا اوي

*علي التليفون*

-مريم:اخبارك اي يجميل؟

-نور:لحد دلوقتي كله ماشي تمام

-مريم:متخافيش كله هيعدي

-نور الورق دا طلعيه الدور الخامس المكتب اللي ع اليمين

-نور:تمام طب مريم هكلمك تاني

-مريم:ماشي

*قفلت معاها اخدت الورق طلعت الاسانسير*

-نور:ايوا هو دا المكتب بس هو مفيش حد ولا اي؟

*خبطت ع الباب وبعدين دخلت*

-نور:لا سكرتيره برا ولا حد قاعد جوا اي بيت الرعب اللي دخلته دا

-حسام:هو ف حد بيدخل عش الدبابير برجله برده؟

-نور:انت؟

-اي حكايه اهل نور؟

-اي حكايه والده حسام؟

-اي سبب الكره الكبير ليها؟

-هل حسام ونور هتفضل العداوه بينهم مستمره؟