Chapter Fifteen
Tinungo ni Tristan ang kanyang sasakyan na may suot na ngiti sa mukha. Naaliw ang playboy na binata sa hitsura ni Glydel kanina.
Bubuksan na ng lalaki ang pinto ng kotse nang mapatigi. Tumutunog ang telepono niya at si Jeon ang tumatawag.
“Hello,”
“Huwag kang pangiti-ngiti riyan, Tristan. Hindi mo pa nagagawa ang ipinapagawa ko sa iyo.”
“Ang alin? Iyon bang tungkol kay Glydel?”
“Kung makangiti ka para ka nang nagtagumpay eh, hindi mo pa ngang nagagawang palapitin ang loob mo sa kanya. Kinakalawang na yata ang moves mo, pinsan. Hindi na tumatalab kahit sa simpleng babae lang.”
“Oy, Jeon. Ikaw kaya ang gumawa. Hindi basta-bastang babae si Glydel. Mahirap basahin ang utak niyon.”
“Baka naman wala na talagang bisa iyang charming mo sa mga babae. Akala ko ba lahat
