SAMANTALA, hindi pa rin maalis-alis ang inis ni Glydel sa kapatid na si Gio. Nagpaalam siya nang maaga sa trabaho upang puntahan ang kapatid. Tumawag kasi ang titser nito at sinabing may nakaaway si Gio.
Pumunta si Glydel sa paaaralan ng kapatid at napag-alaman niyang wala naman palang kasalanan si Gio. Hindi lang nito natiis ang mga tukso ng mga kaklase.
“Sana naman hindi mo na pinatulan, Gio. Hinayaan mo na lang,” inis na saad ni Glydel sa kapatid niyang nakaupo sa silyang gawa sa kahoy.
“Pasensiya na, Ate. Matagal na kasi nila akong tinutukso kaya hindi na rin ako nakapagpigil pa.”
“Eh, wala naman silang alam sa nangyari sa mga magulang natin, ah! At hindi mo kailangang magpaliwanag sa kanila. Hindi ang mga kaklase mo ang nagpapakain sa atin.”
“Alam ko naman iyon pero hindi ko
