SAMANTALA, may mahalagang pinag-uusapan sina Oscar at Jeon sa loob ng opisina ng matanda. Tungkol ito sa kanilang pupuntahan maya-maya.
“Mabuti at maaga tayo ngayon. Mas mabuti kung maunahan natin ang iba pang mga negosyante dahil sa maaari ko silang alukin na umutang sa atin.”
“Aalis na ba tayo ngayon din?”
“Oo, Jeon. Alam mo na, kailangan pa nating palawakin ang ating negosyo. May mga kompetensiya na ring nagsisilabasan kaya mas mabuting tayo ang mauuna sa pupuntahan natin ngayon.”
“Kung ganoon, ano pa ang hinihintay natin, Tiyo Oscar? Kanina pa tayo nananatili rito.”
“May hinihintay lang ako sandali. Paparating na rin siya.”
“Hinihintay?” kunot-noo niyang tanong sa tiyuhin.
“Oo. Ah! Nandito na pala siya.”
Kasunod niyon ang ay ang pagpasok at paglapit ni Tristan sa kanilan
