KASALUKUYANG nag-aayos si Glydel sa kaniyang puwesto nang biglang tumabi sa kaniya si Josie.
“Busy, ah. Baka naman kinakabahan ka na dahil sa ikalawang pagkakataon, may susundo sa iyong lalaki. At take note, ang pogi,” tukso nito kay Glydel na may hawak na panlinis sa kanang kamay.
Napatigil ang dalaga sa kaniyang ginagawa. Ilang oras na lang kasi ay uwian na rin. Sa totoo lang, kanina pa siyang umaga hindi mapakali dahil kay Tristan.
“Ate Josie, wala po ako sa matinong katinuan para mag-entertain ng panibagong manliligaw,” tugon niya sa kaharap.
“Hindi ko naman sinasabi na mangliligaw mo iyon. Eh, sandali lang. Baka naman manliligaw mo nga talaga iyon. Sa bibig mo na mismo kasi nanggaling.”
“Ha? Sinabi ko ba?”
“Kasasabi mo nga lang hindi ba? Panibagong manliligaw.”
“Ate naman
