“ARE YOU really my wife?”
Marahas na napalingon si Margarette kay Rosendo. Nang magising ito ay agad niyang ipinaghanda ito ng pagkain sa tray. Hinayaan niyang kumain ito habang inaabala niya ang sarili sa laptop niya. Silang dalawa lamang ang nasa hospital suite dahil umuwi muna si Jay upang magpahinga. Nang nagdaang araw ay tinupad ni Manang Ising ang pangako nito. Pinapunta nito sa bahay niya ang dalawang dalagitang anak nito para maglinis. Sinuwelduhan niya ang dalawa kahit noong una ay tumanggi ang mga ito.
Wala naman talaga sa laptop ang focus niya dahil kanina pa siya naiilang kay Rosendo. She was busy calming her nerves. Iyon ang unang pagkakataong nagkasarilinan sila nito. Hindi niya maipaliwanag ang kakaibang kabang nararamdaman niya habang kasama niya ito. Kahit nasa monitor n
