“YOU BEHAVE, okay?” bilin ni Margarette sa anak niya habang nagbibihis siya. Papasok na siya sa trabaho. Nakaupo ang anak niya sa kama habang pinapanood siya sa pag-aayos niya. Kagigising lamang nito. She was usually silent in the morning. “Huwag kang masyadong pasasaway kay Papa Jay mo. He’s going to be very busy preparing his shop.”
“Yes, Mom,” inaantok na sabi nito.
Inaayos na ni Jay ang shop nito sa Louella Mall. Dahil wala pa siyang nakukuhang yaya ni Ross, kailangan muna nitong sumama kay Jay sa araw na iyon. Hindi niya maaaring isama ito sa trabaho. Tila natutuwa naman ang anak niya sa pagtambay sa mall kasama si Jay. Bukod sa malamig daw doon, marami raw itong nakikitang tao. Marami rin daw amusement.
“Don’t wander around too much,” aniya bago siya nag-umpisang maglagay ng make
