“ARE YOU okay?”
Hindi nilingon ni Margarette si Jay na sinundan siya sa balkonahe ng unit nila. Kanina pa siya nakatanaw sa karimlan. “I’m not okay.”
Nilapitan siya nito at niyakap. Nanatili silang tahimik. Marahil ay hindi rin nito alam kung ano ang sasabihin sa kanya.
Sinikap niyang magpakatatag ngunit magulong-magulo ang buong sistema niya. Kulang ang sabihin na nayanig ang mundo niya nang makita niya si Logan Crisostomo. Karga-karga nito ang anak nila na si Ross. She never thought she would ever see them together. They were a lovely sight. Sinikap niyang huwag maluha, ngunit hindi niya napigilan ang kanyang mga luha. Hindi niya inalis ang posibilidad ng muli nilang pagkikita ni Logan, ngunit hindi niya inasahan na ganoon kabilis ang lahat. Napakaaga ng pagkikita nila. Hindi siya na
