PAGKATAPOS mapagayak ni Matteo ang mag-iina nito ay inihatid niya na muna ang mga ito sa bayan. Inuna nitong inihatid sa paaralan ang tatlong anak nila ni Gabby, kasunod no'n ay inihatid na niya sa bayan ang asawa at mga kapatid nito. Si Matteo kasi ang naghahatid sundo sa mga ito sa paaralan at trabaho. Pero kapag hindi niya masusundo ang mga ito, magpapadala siya ng susundo kina Gabby sa bayan.
Naiwan naman sina Lucas at Nicolette sa bahay kasama ang mga matatanda. Sina Aling Gloria, Carmela at Mang Patricio. Si Nicolette at dalawang ginang ang nag-aalaga sa dalawang naiwang anak nila Matteo at Gabby. Habang si Lucas at Mang Patricio naman ay magkatulong na nagpakain ng mga isda sa fishpond at nagbukas ng sari-sari store nila.
"Kailan kayo kukuha ng papel niyo niya'n, apo?" tanong ni
