"What's your problem, cous? Akala mo hindi ko nabalitaan ang panggugulo mo sa bayan ng Magiliw at bayan ng Marilag?" Bahagya lang naririnig ni Dean ang panenermon sa kaniya ni Kieran. Sa kasikatan ng pamilya nila, hindi na nagulat si Dean kung nakarating man kay Kieran ang tungkol sa pinagagawa niya. Napagsabihan na rin siya ng Lola Mildred at Auntie Vida niya. "Noong una, nanggulo ka sa hotel. Tapos ngayon naman, nakipag-away ka sa labas ng resto. Ano bang nangyayari sa'yo? I told you to not do anything stupid without telling me. Pero hindi ka nakinig! "
Tuloy-tuloy lang ang pagtungga niya ng alak. Simula kahapon nang huli silang mag-usap ni Joanna ay wala na siyang ibang inintindi kundi ang magpakalasing. Gusto niyang lunurin ang sarili sa alak. Para kahit pansamantala ay makalimutan ni
